პარტია „ნაციონალური მოძრაობა“ იმის გამო დავტოვე, რომ შარლ მიშელის შეთანხმებისთვის ხელი მომეწერა - ამდენად მნიშვნელოვნად მიმაჩნდა მე ეს შეთანხმება, მაგრამ ყოველდღიურად, ყველაფერს აკეთებთ, კითხვის ქვეშ დააყენოთ, სწორი იყო თუ არა პოლიტიკურად თქვენთან რამეზე შეთანხმება, - ამ განცხადებით „ქართული ოცნების“ წევრებს ოპოზიციონერმა დეპუტატმა სალომე სამადაშვილმა მიმართა.

სამადაშვილმა პარლამენტის ბიუროს სხდომაზე მმართველი გუნდი ხელმოწერილი შეთანხმების შეუსრულებლობაში დაადანაშაულა.

„შეგიძლიათ შეაჩეროთ უზენაესი სასამრთლოს მოსამართლეების დანიშვის პროცესი. განვიხილოთ მათ შორის ჩვენი ფრაქციის მიერ წარდგენილი ინიციატივები, შევცვალოთ სისტემა და მოსამართლეების დანიშვნა ამის შემდეგ გავაგრძელოთ - როგორც იყო ეს იმ შეთანხმებაში, რასაც ხელი მოვაწერეთ“, - განაცხადა სალომე სამადაშვილმა.

მისივე თქმით, დღის წესრიგში დგას იმ მოსამართლეთა მიმართ სანქციების შემოღება, ვინც სასამართლო სისტემას მართვას.