გიორგი ხვედელიანი ოპერატორის გარდაცვალებაზე - უდანაშაულო ადამიანი ბოროტებით მანიპულირების მსხვერპლი გახდა

უდანაშაულო ადამიანი ბოროტებით მანიპულირების მსხვერპლი გახდა, - ამის შესახებ „ნაციონალური მოძრაობის“ წევრმა გიორგი ხვედელიანმა განაცხადა, რითაც გამოეხმაურა „ტვ პირველის“ ოპერაოტრის ლექსო ლაშქარავას გარდაცვალების ფაქტს.

ხვედელიანი გარდაცვლილის ოჯახს უსამძიმრებს.

„ცხადია, რომ ამ ხელისუფლების პოლიტიკური არჩევანი ბოროტებით მანიპულირებაა იმისათვის, რომ ნებისმიერ ფასად შეინარჩუნონ ძალაუფლება. ამისთვის მზად არიან სასწორზე დადონ ადამიანის უფლებები, ქვეყნის რეპუტაცია და მომავალი. და, როგორც დღეს გაცხადდა, ადამიანის სიცოცხლეც.

ეს უნდა იყოს უკანასკნელი სიგნალი, რომელიც გამოგვაფხიზლებს და ვიბრძოლებთ, სანამ არ დავიბრუნებთ ქვეყანას და განვითარების იმედს!

ვუსამძიმრებ ოჯახს და კოლეგებს უდანაშაულო ლექსო ლაშქარავას გარდაცვალების გამო, რომელიც საკუთარი პროფესიული მოვალეობის შესრულებისას საზარელი დანაშაულის მსხვერპლი გახდა.

ყველას უნდა ესმოდეს, რომ არ არსებობს დანაშაული, რომლისთვისაც დამნაშავე ადრე თუ გვიან არ აგებს პასუხს!”, - აცხადებს გიორგი ხვედელიანი.

ცნობისთვის, „ტვ პირველის“ ოპერატორი ლექსო ლაშქარავა საკუთარ სახლში გარდაცვლილი იპოვეს. ლექსო ლაშქარავას გარდაცვალების ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო. შსს-ს ინფორმაციით, მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს. ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე გამოძიება მიმდინარეობს და დაკავებულია 4 პირი.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო