ლატვიის საგარეო საქმეთა მინისტრი ედგარს რინკევიჩსი ოპერატორ ლექსო ლაშქარავას გარდაცვალებას სოციალურ ქსელ Twitter-ზე ეხმიანება.
როგორც რინკევიჩსი აცხადებს, ჟურნალისტებზე თავდასხმა მიუღებელია.
"ღრმა სამძიმარს ვუცხადებ "ტვ პირველის" ოპერატორის ლექსო ლაშქარავას ოჯახსა და მეგობრებს. მოგიწოდებთ მისი გარდაცვალებისა და 5 ივლისის ძალადობის სრული და სამართლიანი გამოძიებისკენ. ჟურნალისტებზე თავდასხმა მიუღებელია. #ჟურნალისტობადანაშაულიარარის”, - წერს ედგარს რინკევიჩსი.
ინფორმაციისთვის, “ტვ პირველის” ოპერატორი, ლექსო ლაშქარავა გარდაიცვალა. ლაშქარავას 5 ივლისს "თბილისი პრაიდის" მოწინააღმდეგეები ფიზიკურად გაუსწორდნენ.