საზოგადოებრივი მაუწყებლის  ოპერატორზე ძალადობაში ბრალდებული - აქციაზე ვიყავი იმიტომ, რომ მყავს სამი ბიჭი და ვარ მათთვის მაგალითი, თუნდაც ის, რომ ქრისტიანი ვარ

არ მქონია იმის განზრახვა, მე იქ მივსულიყავი იმისთვის, რომ ვიღაცისთვის რაღაცა ძალადობრივი გამომეყენებინა, - ამის შესახებ საზოგადოებრივი მაუწყებლის ოპერატორზე, ილია თვალიაშვილზე ძალადობაში ბრალდებულმა გიორგი წარუაშვილმა სასამართლო პროცესზე განაცხადა.

მისივე თქმით, აქციაზე დაინახა, რომ სასულიერო პირს შეურაცხყოფა მიაყენეს და ამაზე ჰქონდა რეაგირება.

„ვიყავი იმ აქციაზე იმიტომ, რომ მყავს ოჯახი, სამი ბიჭი და ვარ მათთვის მაგალითი. თუნდაც ის, რომ ქრისტიანი ვარ, ქრისტიანულ ოჯახში გავიზარდე. მიუღებელია, რომელიც მამაოს წიხლს დაარტყამს, შეურაცხყოფას მიაყენებს და ასე შემდეგ. ნამდვილად იყო ის ფაქტი, რომ მოვახდინე რეაგირება, მაგრამ რომ დავინახე, რომ 3-4 ადამიანი, არ ვიცი როგორ, რანაირად, დაბლა ეგდო, მე აღარ დავარტყამდი იმ ადამიანს, გამოვერიდე და წამოვედი. არ მქონია იმის განზრახვა, მე იქ მივსულიყავი იმისთვის, რომ ვიღაცისთვის რაღაცა ძალადობრივი გამომეყენებინა. აქედან გამომდინარე, მე ვერ დავანახებდი ჩემს შვილს, რომ ლგბტ და რაღაცა... მე ვზრდი ქრისტიანებს როგორც ქართველს შეეფერება“, - განაცხადა ბრალდებულმა სასამართლო პროცესზე.

ინფორმაციისთვის, საზოგადოებრივი მაუწყებლის ოპერატორზე ძალადობაში ბრალდებულს აღკვეთის ღონისძიების სახით პატიმრობა შეეფარდა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება