ანრი ოხანაშვილი - უნდობლობა „ლელოს“ და „ნაციონალურ მოძრაობას“ დიდი ხანია გამოუცხადა ქართველმა ხალხმა, ვერანაირ უნდობლობის პროცესს ვერ წარმართავენ

უნდობლობა „ლელოს“ და „ნაციონალურ მოძრაობას“ დიდი ხანია გამოუცხადა ქართველმა ხალხმა, ვერანაირ უნდობლობის პროცესს ვერ წარმართავენ, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან საუბრისას განაცხადა, რითაც „ლელოს“ და „ნაციონალური მოძრაობის“ განცხადებებს გამოეხმაურა, რომლის თანახმადაც, ისინი პარლამენტში მხოლოდ მთავრობისთვის უნდობლობის გამოცხადების პროცესში მიიღებენ მონაწილეობას.

როგორც ოხანაშვილი აღნიშნავს, მათი ინიციატივა ვერაფერს შეცვლის.

"უნდობლობა „ლელოს“ და „ნაციონალურ მოძრაობას“ დიდი ხანია გამოუცხადა ქართველმა ხალხმა. ვერანაირი უნდობლობის პროცესს ვერ წარმართავენ. ირაკლი ღარიბაშვილი ჩვენი გუნდის ლიდერია, ქვეყნის პრემიერ-მინისტრი, შესაბამისად, ვერც „ლელოს“ ინიციატივა, მით უმეტეს, „ნაციონალური მოძრაობის“ ვერაფერს შეცვლის“,-აღნიშნავს ოხანაშვილი.

როგორც ოხანაშვილი აცხადებს, ბოლო დროს განვითარებული მოვლენების უკან „ნაციონალური მოძრაობა“ დგას.

„ ამ ყველაფრის უკან, ყოველთვის და დღესაც „ნაციონალური მოძრაობა“ დგას. ამას ჩვენი დანახვა კი არ უნდა, სად დგას ეს ხალხი, რა განცხადებებს აკეთებს, რა მოწოდებებს აკეთებს, ეს ამით დასტურდება, ჩვენი შეფასება არ არის. ეს არის „ნაციონალური მოძრაობის“ წევრების განცხადებები, მათი პოზიციონირება, მათი დღევანდელი ქცევა, რაც აქ გააკეთეს და ადამიანის ბედით მანიპულირება, ადამიანის გარდაცვალების პოლიტიკური მიზნებისთვის გამოყენება. ეს არის ის ყველაფერი, რაც ფაქტებით დასტურდება“, - აღნიშნავს ოხანაშვილი.

ცნობისთვის, ფრაქცია „ერთიანი ნაციონალური მოძრაობა - ძალა ერთობაშია” პარლამენტში მხოლოდ მთავრობისთვის უნდობლობის გამოცხადების პროცესსა და არჩევნების პროპორციულ სისტემაზე გადასვლისთვის საკონსტიტუციო ცვლილებების კენჭისყრაში მიიღებს მონაწილეობას.

ამასთან, ფრაქციამ "ლელო- პარტნიორობა საქართველოსთვის" პარლამენტის რიგგარეშე პლენარული სხდომა დატოვა. როგორც დარბაზის დატოვების შემდეგ საპარლამენტო ფრაქცია "ლელო- პარტნიორობა საქართველოსთვის" დეპუტატმა სალომე სამადაშვილმა განაცხადა, ოპოზიციურ პარტიებთან იმსჯელებენ, როგორ გააგრძელებენ ხელისუფლების სახლში გაშვების პროცესს.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი