რუსი ინვესტორები კურორტ ბიჭვინთაში უდიდესი სანატორიუმ-საკურორტო ობიექტის მშენებლობას გეგმავენ, - ამის შესახებ ოკუპირებული აფხაზეთის დე ფაქტო ლიდერმა ასლა ბჟანიამ ადგილობრივ მედიასთან საუბარში განაცხადა.

მისი თქმით, ინვესტიციების მოცულობა დაახლოებით 10 მილიარდი რუსული რუბლი იქნება.

ბჟანიას განმარტებით, ობიექტის მშენებლობასთან დაკავშირებული მოლაპარაკებები საბოლოო ეტაპზეა.

„კონტრაქტები მიმდინარე წლის ბოლომდე გაფორმდება, მშენებლობა კი, 2023 წლის ბოლოდან დაიწყება. პროექტი 2 000-მდე სამუშაო ადგილს შექმნის,“- აღნიშნა ბჟანიამ.