ირაკლი ბერაია - ზაზა გახელაძის გათავისუფლება კიდევ ერთი მკაფიო მაგალითია იმისა, თუ როგორ ზრუნავს სახელმწიფო საკუთარ მოქალაქეებზე

ზაზა გახელაძის გათავისუფლება კიდევ ერთი მკაფიო მაგალითია იმისა, თუ როგორ ზრუნავს სახელმწიფო საკუთარ მოქალაქეებზე, - ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი ბერაია სოციალურ ქსელში წერს.

როგორც ბერაია აღნიშნავს, ხელისუფლებას არასდროს დაუტოვებია საქართველოს მოქალაქეები უყურადღებოდ.

„ზაზა გახელაძის უკანონო პატიმრობა დასრულდა !

საქართველოს ხელისუფლება, შესაბამისი უწყებები ყველაფერს აკეთებდნენ ზაზას თავისუფლებისთვის… და ეს დღეც დადგა.

ჩვენ არასდროს დაგვიტოვებია ჩვენი მოქალაქეები უყურადღებოდ და ყოველთვის ყველა ინსტრუმენტს ვიყენებდით უკანონო პატიმრობიდან მათ გასათავისუფლებლად. ეს მოითხოვდა დიდ ძალისხმევას, პრინციპულობას და მოთმინებას. ჩვენი ყველა ნაბიჯი იყო შედეგიანი. ასე იყო ზაზა გახელაძის შემთხვევაშიც.

პირველ ყოვლისა, მადლობა საქართველოს მთავრობის მეთაურს, ირაკლი ღარიბაშვილს, ამ პროცესში ჩართულ აღმასრულებელი ხელისუფლების ყველა უწყებას.. განსაკუთრებით, სახელმწიფო უსაფრთხოების სამსახურს, რომელიც,

ზაზას დაკავების მომენტიდან, დგამდა და კოორდინაციას უწევდა მისი გათავისუფლების მიზნით გადადგმულ ნაბიჯებს.

ზაზა გახელაძის გათავისუფლება კიდევ ერთი მკაფიო მაგალითია იმისა, თუ როგორ ზრუნავს სახელმწიფო საკუთარ მოქალაქეებზე, როგორ ყურადღებას აქცევს, იცავს და ზურგს უმაგრებს მათ.

რუსული ოკუპაცია აუცილებლად დასრულდება და საქართველო გამთლიანდება !“, - წერს ბერაია „ფეისბუქზე“.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა