რუსთავის საკრებულოს ფრაქცია „ქართული ოცნების“ თავმჯდომარის მოადგილემ თანამდებობა დატოვა და გახარიას პარტიას შეურთდა

რუსთავის საკრებულოს ფრაქცია „ქართული ოცნების“ თავმჯდომარის მოადგილემ ზვიად დოლიძემ თანამდებობა დატოვა და გიორგი გახარიას პარტიას - „საქართველოსთვის“ შეურთდა.

ამის შესახებ დოლიძე სოციალურ ქსელში წერს. როგორც ის განმარტავს, მისი და მმართველი პარტიის ხედვები ერთმანეთს დაშორდა.

„2017 წლიდან დღემდე რუსთავის საკრებულოში გახლდით ფრაქცია „ქართული ოცნება- დემოკრატიული საქართველოს“ თავმჯდომარის მოადგილე. მივიღე გადაწყვეტილება ფრაქციისა და დაკავებული თანამდებობის დატოვების შესახებ, ვინაიდან პარტიისა და ჩემი ხედვები ადამიანურ ფასეულობებთან და ღირებულებებთან მიმართებით, რბილად რომ ვთქვათ, დაშორდა ერთმანეთს. მადლობა ჩემი ოლქის ყველა მცხოვრებს გამოცხადებული ნდობისა და თანადგომისთვის. მინდა გულწრფელად, მთელი პასუხისმგებლობით აღვნიშნო, რომ ვრჩები ჩემი ოლქის მცხოვრებთა ერთგული და მათი ინტერესების დამცველი. გულწრფელადვე მინდა გაცნობოთ, რომ ვუერთები და ყოველთვის ვიქნები იმ ჯანსაღი პოლიტიკური ძალის გვერდით, ვინც იქნება ხალხისთვის და საქართველოსთვის“, - წერს ზვიად დოლიძე.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე