ევროპული საბჭოს პრეზიდენტი შარლ მიშელი 19 ივლისს ბათუმს ესტუმრება, - შესაბამისი ინფორმაცია ევროპული საბჭოს ვებგვერდზეა ­გამოქვეყნებული. ამავე ინფორმაციის თანახმად, შარლ მიშელი საქართველოს პრეზიდენტს, სალომე ზურაბიშვილს და პრემიერ-მინისტრ ირაკლი ღარიბაშვილს შეხვდება.

იმავე დღეს იგეგმება ბათუმის საერთაშორისო კონფერენციაზე სიტყვით გამოსვლა და უკრაინის პრეზიდენტ ვლადიმერ ზელენსკისთან და მოლდოვის პრეზიდენტ მაია სანდუსთან შეხვედრა.

ამასთან, საქართველოს, უკრაინისა და მოლდოვის პრეზიდენტებთან გამართული ერთობლივი შეხვედრის შემდეგ პრესკონფერენცია გაიმართება.

საქართველოში ჩამოსვლამდე შარლ მიშელი სომხეთსა და აზერბაიჯანს ეწვევა. აზერბაიჯანში ის პრეზიდენტ ილჰამ ალიევს, სომხეთში კი - ქვეყნის პრეზიდენტ არმენ სარქისიანსა და მოქმედ პრემიერ-მინისტრ ნიკოლ ფაშინიანს შეხვდება.