ევროკავშირის სადამკვირვებლო მისია ვლადიმირ ზელენსკის საოკუპაციო ხაზთან სტუმრობის შესახებ ინფორმაციას ავრცელებს

ევროკავშირის სადამკვირვებლო მისია უკრაინის პრეზიდენტის ვლადიმირ ზელენსკის ენგურის ხიდზე, საოკუპაციო ხაზთან სტუმრობის შესახებ ინფორმაციას ავრცელებს.

მათი ცნობით, ევროკავშირის სადამკვირვებლო მისიის ხელმძღვანელმა, რომელიც პრეზიდენტ ზელენსკის ვიზიტის დროს შეუერთდა, მას უსაფრთხოების და ჰუმანიტარული კუთხით ადგილზე განვითარებული უკანასკნელი მოვლენების შესახებ მიაწოდა ინფორმაცია და გაუზიარა საკუთარი ხედვა „ბორდერიზაციის“ მიმდინარე ქმედებების შესახებ, რომლებსაც უარყოფითი გავლენა აქვს კონფლიქტით დაზარალებული მოსახლეობის ყოველდღიურ ცხოვრებაზე და ადამიანის უფლებებზე.

„მისიის ხელმძღვანელმა ხაზგასმით აღნიშნა, რომ 478- დღიანი დახურვის შემდეგ, ადმინისტრაციულ სასაზღვრო ხაზზე რეგულარული მოძრაობისთვის, ენგურის ხიდის კონტროლირებადი გადასასვლელის ხელახლა გახსნა არის დადებითი მოვლენა, რომელიც ადგილობრივი მოსახლეობისთვის გადაადგილების მეტ თავისუფლებას იძლევა. მან ასევე ხაზი გაუსვა იმას, თუ როგორ გააუარესა COVID-19-ის პანდემიამ ადგილზე ჰუმანიტარული მდგომარეობა და გაართულა კონფლიქტით დაზარალებული მოსახლეობის წინაშე არსებული გამოწვევები.

პრეზიდენტმა ზელენსკიმ გამოხატა მადლიერება, ევროკავშირის სადამკვირვებლო მისიის, როგორც ადგილზე არსებული ერთადერთი სადამკვირვებლო წარმომადგენლობის მუშაობის მიმართ. მან ასევე მადლიერება გამოხატა ინფორმაციული ვიზიტისთვის“, - ნათქვამია ინფორმაციაში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა