ამირან გამყრელიძე - „წითელ ზონაში“ გადავედით - დღეს გადაწყვეტილება მივიღეთ, ღია სივრცეში პირბადესთან მიმართებაში რეკომენდაცია დაწესდეს

ახლა ვართ „წითელ ზონაში“. ეს არის განგაშის ერთ-ერთი მთავარი მოცემულობა და შესაბამისი ღონისძიებები უნდა იყოს მიღებული. საბჭოზე იყო მსჯელობა და რიგი გამკაცრება, რა თქმა უნდა იქნება, პირველ რიგში, აღსრულებასთან მიმართებაში, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

როგორც მან განმარტა, კორონავირუსის პრევენციისთვის შესაძლოა, დაწესდეს რეკომენდაცია პირბადის ღია სივრცეშიც ტარებასთან დაკავშირებით.

„დღეს ამ საკითხებზე მსჯელობა იყო საკოორდინაციო საბჭოზე, ყველა ინდიკატორი, რაც ეპიდსიტუაციას ახასიათებს, მხედველობაში მაქვს ახალი შემთხვევების რაოდენობა 100 000 მოსახლეზე დადებითობის მაჩვენებელი, რეპროდუქციის ინდექსი - ეს ყველაფერი არის გაუარესებული.

ჩვენ ახლა, დაახლოებით იმ დონეზე ვართ, როგორც ვიყავით მესამე ტალღის პიკზე, სადღაც 17 მაისს. ასევე, დღევანდელი ეპიდსიტუაცია არის მსგავსი, რაც გვქონდა ოქტომბრის ბოლოს და ნოემბრის დასაწყისში, ნოემბრის ბოლოს პიკისკენ მივდიოდით. ამიტომ, ეს ძალიან საყურადღებოა. ჩვენ ყველა ინდიკატორით წითელ ზონაში გადავედით, აქამდე ვიყავით ნარინჯისფერში და ახლა ვართ წითელ ზონაში. ეს არის განგაშის ერთ-ერთი მთავარი მოცემულობა და შესაბამისი ღონისძიებები უნდა იყოს მიღებული. საბჭოზე იყო მსჯელობა და რიგი გამკაცრება, რა თქმა უნდა იქნება, პირველ რიგში, აღსრულებასთან მიმართებაში.

მოსახლეობა მოეშვა, პირბადის ტარება იგივე დახურულ სივრცეში არ ხდება და დღეს გადაწყვეტილება იქნა მიღებული, რომ ღია სივრცეში დაწესდეს რეკომენდაცია პირბადესთან მიმართებაში. ჩვენ ვიძლეოდით რეკომენდაციას, რომ ღია სივრცეებში, სადაც ადამიანთა გარკვეული რაოდენობა იკრიბება, კოლექტიური შეკრებაა, აუცილებელი ყოფილიყო პირბადის ტარება. დღეს, ამის შესახებ გადაწყვეტილება არის, შტაბი დაამუშავებს ამ საკითხს და ალბათ, შესაბამისი ცვლილებები შევა განკარგულებაში“, - განაცხადა გამყრელიძემ და აღნიშნა, რომ ამის თაობაზე რეკომენდაციები მალე შემუშავდება.

ამასთან, მან მოსახლეობას ვაქცინაციისკენ მოუწოდა

„მეტი აქტიურობაა საჭირო, რომ ავიცრათ, მეორეს მხრივ - გარკვეული შეზღუდვების დაწესება. ამავე დროს მოსახლეობამ უნდა იცოდეს, რომ თუ ეპიდსიტუაცია გაუარესდება მაშინ, ჩვენ, დაავადებათა კონტროლი მკაცრი შეზღუდვების რეკომენდაციებს დავაყენებთ“, - განაცხადა გამყრელიძემ.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან