ე.წ. საგარეო უწყება - აფხაზეთის რესპუბლიკაში რუსეთის სამხედრო ყოფნა, რამაც ასე შეაწუხა ვლადიმერ ზელენსკი, ორმხრივი ხელშეკრულებებით რეგულირდება და არანაირად არ ეხება საქართველოს ტერიტორიას

აფხაზეთის რესპუბლიკაში რუსეთის სამხედრო ყოფნა, რამაც ასე შეაწუხა ვლადიმერ ზელენსკი, რეგულირდებააფხაზეთ-რუსეთის ორმხრივი ხელშეკრულებებით, არ ეწინააღმდეგება საერთაშორისო სამართალს და არანაირად არ ეხება საქართველოს ტერიტორიას, მითუმეტეს უკრაინას, - ამის შესახებ ოკუპირებული აფხაზეთის ე.წ. „საგარეო საქმეთა სამინისტროს განცხადებაშია აღნიშნული, რითაც დე ფაქტო „უწყება“ ვლადიმერ ზელენსკის საოკუპაციო ხაზთან ვიზიტსა და ოკუპირებულ ტერიტორიებთან დაკავშირებით მის მიერ გაკეთებულ განცხადებას გამოეხმაურა.

მათივე თქმით, გამოცანად რჩება ისიც, რა ჰქონდა უკრაინის პრეზიდენტს მხედველობაში, როდესაც ის აფხაზეთში ადამიანის უფლებების დარღევებზე საუბრობდა.

”ზელენსკის ღიად პროვოკაციული პოლიტიკა დონბასის რესპუბლიკის მიმართ, რაც განსაკუთრებით აშკარად გამოიკვეთა ამ წლის გაზაფხულზე, როდესაც კიევმა განზრახ სცადა საომარი მოქმედებების პროვოცირება, ნათლად აჩვენებს, თუ რა მიდგომა აქვთ ზელენსკის გუნდს კონფლიქტების მოგვარების მიმართ”, - აცხადებენ ე.წ. „სამინისტროში“.

მათივე თქმით, ამგვარი ტაქტიკის გამოყენების მცდელობები აფხაზეთთან დაკავშირებით "მიუღებელია და მკაცრად იქნება აღკვეთილი".

„აფხაზეთის საგარეო საქმეთა სამინისტრო უკრაინისა და საქართველოს ლიდერებს შეახსენებს, რომ დაპირისპირებაზე ფსონის დადებას წარმატების შანსი არ აქვს, მიღწეული შეთანხმებების გადახედვასა და კოორდინირებული გადაწყვეტილებების დაბლოკვას პერსპექტივა არ გააჩნია. სანამ რევანშზე უარის თქმა და არსებული პოლიტიკური რეალობის მიღება არ მოხდება, შეუძლებელი იქნება სრულმასშტაბიანი დარეგულირების პროცესის დაწყება”, - აცხადებენ ე.წ. „სამინისტროში“.

მათივე თქმით, ”ყველა სხვა პოლიტიკური მანევრები“ სხვა არაფერია, თუ არა პრობლემის მოგვარების თავიდან აცილების მცდელობები.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა