ნინო წილოსანი ოპოზიციონერ დეპუტატებს თინა ბოკუჩავასა და შალვა პაპუაშვილს შორის მომხდარი ინციდენტის ეთიკის საბჭოს ფორმატში განხილვას სთავაზობს

საპარლამენტო უმრავლესობის წევრი ნინო წილოსანი ოპოზიციონერ დეპუტატებს „ნაციონალური მოძრაობის“ წევრ თინათინ ბოკუჩავასა და „ქართული ოცნების“ დეპუტატ შალვა პაპუაშვილს შორის მომხდარი ინციდენტის ეთიკის საბჭოს ფორმატში განხილვას სთავაზობს.

როგორც მან ბიუროს სხდომაზე განაცხადა, კარგი იქნება ეთიკის საბჭოს ფორმატში თუ მოისმენს არგუმენტებს, რატომ იყო მომხდარი ინციდენტი ქალზე ძალადობა.

მისივე თქმით, მიუღებელია, როცა „ნაციონალური მოძრაობის“ წარმომადგენელი აპელირებს ქალების უფლებების დაცვით.

„თქვენთვის არავის უფლება არ არსებობს. ეს არის თქვენი პოლიტიკური მიზანი და თქვენი პოლიტიკური ხელწერა. ასევე, უნდა გამოვეხმაურო იმ ფაქტს, რომ თქვენ მოიტყუეთ, როცა განაცხადეთ, რომ მხარი დაუჭირეთ ეთიკის კოდექსის შექმნას. თქვენ პარლამენტში საერთოდ არ იყავით მაგ დროს, თქვენ ხართ მატყუარა! აუცილებლად ამოვიღებ და განახებთ, რომ თქვენი პოლიტიკური გუნდის რომელმა და რამდენმა წევრმა დაუჭირა ეთიკის კოდექსის შექმნას მხარი.

რადგან ეს საკითხი ძალიან გადარდებთ, არ მინდა ქალებზე უფლებების დამცველობით აპელირებდეთ და ის მიღწევები, რომელიც ჩვენ გავაკეთეთ, გააუფერულოთ. მე გთავაზობთ, ერთ დღეს, მათ შორის საბჭოს ფორმატში, არასამთავრობოების მონაწილეობით, შევიკრიბოთ დახურულ სამუშაო ფორმატის ფარგლებში და დაგიმტკიცებთ, ჩვენს არგუმენტებს წარმოგიდგენთ, ისევე როგორც მოვისმენ თქვენს არგუმენტებს, რატომ იყო თქვენი მოსაზრებით ეს როგორც ქალზე ძალადობა და ამ განცხადებით, რომ ქალს არავინ უნდა შეეხოს, მაშინაც კი, როცა ქალი დანაშაულს ჩადის, როცა მანდატური მივიდა და გამოყვანას ცდილობდა. ამით გინდათ, რომ ქალთა მიმართ ძალადობის საკითხებს დისკრედიტაცია გაუკეთოთ და თქვათ, რომ ქალს თურმე ყველაფრის უფლება აქვს. ეს არის ყველაზე ცუდი შემოტრიალება ამ საკითხის“, - განაცხადა ნინო წილოსანმა.

წილოსანის ინიციატივას საკითხის ეთიკის საბჭოს ფრომატში განხილვასთან დაკავშირებით ბიუროს სხდომაზე პარლამენტის თავმჯდომარე კახა კუჭავა მიესალმა.

„ნამდვილად მივესალმები ქალბატონი ნინო წილოსანის შემოთავაზებას, განხილული იქნას ეს საკითხი და შემდეგ გაკეთდეს განცხადებებიც, დაგმობაც და ასე შემდეგ - ყველაფერი, რაც საჭირო იქნება. ფაქტი ერთია, თქვენ, ნამდვილად იცით გამოცდილება სხვა ქვეყნებში, ის, რაც ბოლო ორი რიგგარეშე სხდომის დროს ხდება, მათ შორის, ძალადობაზე რომ ლაპარაკობთ ან ძალის გამოყენებაზე, მისაღები რამენაირად არის?“- განაცხადა კუჭავამ.

შეგახსენებთ, რომ პარლამენტში, რამდენიმე დღის წინ, შს მინისტრ ვახტანგ გომელაურის სიტყვით გამოსვლის დაწყებისას, ოპოზიციის მიერ დაფიქსირებულ პროტესტს უმრავლესობისა და ოპოზიციის წევრებს შორის სიტყვიერი დაპირისპირება მოჰყვა. ადგილი ჰქონდა შეხლა-შემოხლასაც. კერძოდ, „ნაციონალური მოძრაობის“ ერთ-ერთმა ლიდერმა თინა ბოკუჩავამ სპიკერატისთვის განკუთვნილ ადგილზე ასვლა სცადა, თუმცა უმრავლესობის დეპუტატმა შალვა პაპუაშვილმა ის ფაქტობრივად, ხელში აიყვანა და ადგილიდან ასე გამოიყვანა. აღნიშნულს ბოკუჩავასა და პაპუაშვილს შორის სიტყვიერი შელაპარაკება მოჰყვა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს