იაგო ხვიჩია - კონსენსუსით გვინდოდა ცესკო-ს თავმჯდომარის შერჩევა, მაგრამ მივხვდით, ჩვენი კონსენსუსი არავის სჭირდებოდა და „ქოცები“ თავისთვის „უბერავდნენ“

„ქართულმა ოცნებამ" შეთანხმება დაარღვია - კონსენსუსით გვინდოდა თავმჯდომარის შერჩევა, მაგრამ მივხვდით, ჩვენი კონსენსუსი არავის არ სჭირდებოდა და „ქოცები“ თავისთვის „უბერავდნენ“, - ამის შესახებ ჟურნალისტებთან „გირჩის“ დეპუტატმა იაგო ხვიჩიამ განაცხადა, რითაც ცესკო-ს თავმჯდომარისა და წევრების შერჩევის პროცესს გამოეხმაურა.

მისი თქმით, არჩევნების სანდოობის საკითხი ცესკო-ს თავმჯდომარის ვინაობაზე დამოკიდებული არ არის, თუმცა, შეთანხმება ამ ნაწილშიც „ქართულმა ოცნებამ" დაარღვია.

„მე არ მგონია, რომ არჩევნების სანდოობა - არასანდობაა თავმჯდომარის ვინაობაზე იყოს დამოკიდებული. წინა თავმჯდომარე კონსენსუსით იყო არჩეული და კონსენსუსითვე ითხოვდნენ გადადგომას. ფაქტი, რაც უნდა შევაფასოთ, არის ის, რომ „ქართულმა ოცნებამ“ ამ ნაწილშიც დაარღვია შეთანხმება, იქ ეწერა, რომ ამასთან დაკავშირებით უნდა ყოფილიყო კონსულტაციები, კონსენსუსით უნდა შეგვერჩია ხალხი და ა.შ. ამის ნაცვლად, „ქართულმა ოცნებამ“ ეს ყველაფერი გამოტოვა და აირჩია ტაქტიკა, რომ 6 თვით აირჩიოს თავმჯდომარე და კონსენსუსზე საერთოდ საუბარი არ იყოს. ჩვენ არ ვყოფილვართ რომელიმე კანდიდატთან მებრძოლები, პირიქით ყველასთან გასაუბრება გვაინტერესებდა და კონსენსუსით არჩევა, მაგრამ მივხვდით, რომ ჩვენი კონსენსუსი არავის არ სჭირდებოდა და „ქოცები“ თავისთვის, მარტო „უბერავდნენ“ ამ შერჩევას“, - განაცხადა ხვიჩიამ.

ცნობისათვის, დღეს პარლამენტი ცესკო-ს თავმჯდომარის და 2 პროფესიონალი წევრის არჩევას კიდევ ერთხელ, ამჯერად 90 ხმით შეეცდება. პარლამენტმა ხმათა 2/3- ით ვერც ერთი კანდიდატის არჩევა ვერ მოახერხა.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს