ლევან დავითაშვილის განცხადებით, სასოფლო-სამეურნეო ტექნიკის თანადაფინანსების პროგრამაზე განაცხადების მიღება 1-ელი სექტემბრიდან დაიწყება

გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, სასოფლო-სამეურნეო ტექნიკის თანადაფინანსების პროგრამაზე განაცხადების მიღება 1-ელი სექტემბრიდან დაიწყება. როგორც მან მთავრობის სხდომის დასრულების შემდეგ გამართულ ბრიფინგზე განმარტა, პროგრამაში მონაწილეობა ყველა მსურველს შეეძლება.

„მოსახლეობას შევპირდით, რომ სასოფლო-სამეურნეო ტექნიკის დაფინანსებაში გვექნებოდა დახმარება. ეს იყო პრემიერ-მინისტრის ინიციატივაც, რომ მნიშვნელოვანესი რესურსები გამოყოფილიყო. ეს არის საკითხი, რომელიც ალბათ, სოფლად მცხოვრებ ყველა მოსახლეს აღელვებს. ყოველი შეხვედრისას ჩვენთან სოფლის მცხოვრებლები სვამდნენ ამ საკითხს, რომ მეტად ხელმისაწვდომი ყოფილიყო სასოფლო-სამეურნეო ტექნიკა. შესაბამისად, საქართველოს მთავრობამ 10- წლიან გეგმაშიც გაითვალისწინა, რომ ყოველწლიურად გვექნება სასოფლო-სამეურნეო ტექნიკის თანადაფინანსება იმისთვის, რომ დეფიციტი, რომელიც ამ ქვეყანაში ჩამოყალიბდა სასოფლო-სამეურნეო ტექნიკის კუთხით, აღმოიფხვრას.

ამავე დროს, ჩვენ გვესმის, რომ სოფლის მეურნეობის განვითარება ბადებს ახალი სასოფლო-სამეურნეო ტექნიკის შემოყვანის საჭიროებას. ჩვენ გვინდა, რომ სოფლის მეურნეობა იყოს კონკურენტუნარიანი, ეს თანამედროვე მექანიზაციის გარეშე წარმოუდგენელია. შესაბამისად, ჩვენ უკვე 1-ელი სექტემბრიდან ვიწყებთ განაცხადების მიღებას 50 მილიონიან პროგრამაზე, ამ მასშტაბის თანადაფინანსება არასდროს ყოფილა, ეს იქნება უპრეცედენტოდ დიდი დახმარება სოფლად მცხოვრები მოსახლეობისთვის იმისთვის, რომ მათ თანამედროვე, ახალი სასოფლო-სამეურნერო ტექნიკა შეიძინონ. აქ გვექნება საგრანტო თანადაფინანსება, გრანტი იქნება 35%-ის ოდენობით“,- განაცხადა დავითაშვილმა.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა