ეროვნული ბანკის პრეზიდენტმა ახალგაზრდობის საერთაშორისო დღისადმი მიძღვნილი კონკურსის ფინალისტებს უმასპინძლა

კონკურსის ფინალისტებს, რომლებსაც ახალგაზრდებში ფინანსური განათლების ცნობადობის გაზრდის მიზნით ინოვაციური პროექტები უნდა წარედგინათ, დღეს საქართველოს ეროვნული ბანკის პრეზიდენტმა უმასპინძლა. ამის შესახებ ინფორმაციას საქართველოს ეროვნული ბანკი ავრცელებს.

საქართველოს ეროვნული ბანკის მიერ გავრცელებულ განცხადებაში აღნიშნულია, რომ სებ-ის პრეზიდენტმა, კობა გვენეტაძემ კონკურსში მონაწილეობისა და აქტიურობისათვის ფინალისტებს მადლობა გადაუხადა და სამახსოვრო პრიზები და სერტიფიკატები გადასცა.

„ახალგაზრდობის საერთაშორისო დღისადმი მიძღვნილი კონკურსი ეროვნული ბანკისა და ფინანსური განათლების პორტალის ფინედუს ინიციატივითა და ფინანსური სექტორის 4 წარმომადგენლის მხარდაჭერით ჩატარდა. კონკურსის გამარჯვებულები, ონლაინ შეხვედრის დროს, პარტნიორი ორგანიზაციების წარმომადგენლებისგან შემდგარმა ჟიურიმ გამოავლინა.

3 გამარჯვებულ პროექტის ავტორს - შმაგი ბურდულს, ბექა ბურდულს, ლუკა ზედაშიძესა და ნინი ბოჭორიშვილს პარტნიორი ორგანიზაციებისგან - სს "მისო სვისკაპიტალი“, სს "კრედო ბანკი“ და სს "მისო ევროკრედიტი“ – 1000 ლარიანი ვაუჩერი, ხოლო ფინანსური ჩართულობის ორგანიზაცია "კრისტალისგან“ - ახალგაზრდა მეწარმეთა სკოლის - YES Georgia-ს ვაუჩერი გადაეცათ“, - ნათქვამია განცხადებაში.

12 აგვისტო ახალგაზრდობის საერთაშორისო დღედ გაერთიანებული ერების ორგანიზაციის გენერალურმა ასამბლეამ 1999 წელს გამოაცხადა. ეს დღე, მსოფლიოს მასშტაბით, ახალგაზრდების პრობლემების, მათი იდეებისა და ინიციატივების განხილვას ეძღვნება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის