ოკუპირებულ აფხაზეთში კორონავირუსის 123 ახალი შემთხვევა გამოვლინდა და დაინფიცირებულთა საერთო რაოდენობა 24 570-მდე გაიზარდა, - ამის შესახებ ე.წ. ოპერატიული შტაბი იუწყება. ამასთან, კოვიდ 19-ს კიდევ 1 პაციენტის სიცოცხლე ემსხვერპლა.
ოკუპირებულ რეგიონში, დღემდე კორონავირუსის 366 ფატალური შემთხვევაა დადასტურებული.
გუდაუთის საავადმყოფოში ამჟამად 103 კოვიდინფიცირებული მკურნალობს. 20 ადამიანის მდგომარეობა მძიმეა, 21-ის - საშუალო სიმძიმის.
სოხუმის ინფექციურ საავადმყოფოში 29 პაციენტი მკურნალობს, ოჩამჩირეში - 18, გაგრაში - 34, ტყვარჩელში - 10, სოხუმში გახსნილ რუსეთის საველე სამხედრო ჰოსპიტალში კი - 51.