ოკუპირებული ე.წ. სამხრეთ ოსეთის დე ფაქტო პრეზიდენტის ე.წ. ადმინისტრაციის ხელმძღვანელის მოადგილე ალან ჯუსოევი საქართველოს ხელისუფლების პოზიციას პასუხობს, რომელიც ცალკეული ქვეყნებისგან აღნიშნული რეგიონის ე.წ. დამოუკიდებლობის აღიარების გაწვევას მოითხოვს და აცხადებს, რომ ცხინვალი რუსეთის მიერ ოკუპირებული არ არის. ამის შესახებ სააგენტო „რესი“ იუწყება.

ჯუსოევის თქმით, მოწოდებებს არ შეუძლია გავლენის მოხდენა არც „რესპუბლიკის“ სტატუსზე რუსეთის მხრიდან და არც მის ურთიერთობებზე „სტრატეგიული პარტნიორებისგან“.

მისი თქმით, ე.წ. სამხრეთ ოსეთს შეუძლია გამოვიდეს შემხვედრი განცხადებებით, რათა „სამხრეთ ოსეთის დევნილებს დაუბრუნდეთ მიწები, უძრავი ქონება, რომლებიც მათ დაკარგეს 1989-2008 წლებში საქართველოში“.

„აანაზღაურონ ფინანსური დანაკარგები და გადაიხადონ მორალური კომპენსაცია. 102 ათასი ოსი დევნილი გახდა 1989 წლიდან 1992 წლამდე ეროვნული ნიშნით. საჭიროა და შესაძლებელი ამ საკითხების წამოწევა, რადგან ეს არის საქართველოს ხელისუფლების პასუხისმგებლობა სამხრეთ ოსეთისადმი. ვინაიდან აშშ მხარს უჭერს საქართველოს დამოუკიდებლობას, გარკვეულწილად, ამერიკამ უნდა იცოდეს კიდეც საქართველოსადმი კითხვებზე პასუხის გაცემაც“, - განაცხადა ჯუსოევმა.