თამარ გაბუნიას განმარტებით, კოვიდ გადატანილი პაციენტი 30 დღეში ექვემდებარება ვაქცინაციას და აცრა უნდა ჩატარდეს ორი დოზით

ჯანდაცვის მინისტრის მოადგილის, თამარ გაბუნიას განცხადებით, ნებისმიერ შემთვევაში, მოქალაქე კოვიდგადატანილი იქნება თუ არა, მნიშვნელოვანია ორი დოზით აცრა.

კითხვაზე, ზოგიერთ ქვეყანაში კოვიდგადატანილები ერთჯერადად იცრებიან და შესაძლებელია თუ არა, რომ ჩვენთანაც კოვიდგადატანილი პაციენტი ერთი დოზით აცრან, გაბუნია პასუხობს, რომ ისინი მიყვებიან ორჯერ ვაქცინირების მოდელს, თუმცა თუ ამასთან დაკავშირებით დამატებითი რეკომენდაცია იქნება, შეიძლება ამის განხილვა.

"კოვიდ გადატანილი პაციენტი ჩვენი პროგრამის მიხედვით 30 დღეში ექვემდებარება ვაქცინაციას და ვაქცინა უნდა ჩატარდეს ორჯერ. ჩვენ მივყვებით ორჯერ ვაქცინირების მოდელს ნებისმიერ შემთხვევაში. თუ იქნება დამატებითი რეკომენდაცია ამასთან დაკავშირებით, შეიძლება ამის განხილვა. დღევანდელი მდგომარეობით ითვლება, რომ მყარი იმუნიტეტი მიიღწევა ორჯერ ვაქცინაციით. არის ზოგიერთი ქვეყანა, სადაც ერთხელ ვაქცინაციას იყენებენ, ჩვენ შემთხვევაში ეს არის ორჯერ ვაქცინაცია" , - განაცხადა გაბუნიამ.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა