კახა კალაძე - „გუდვილთან“, მირიან მეფის ქუჩაზე, 330 გრძივ მეტრზე ახალი სანიაღვრე ქსელი მოეწყობა, რაც წვიმის შემთხვევაში წყლის დატბორვის პრობლემას მოგვიხსნის

„გუდვილთან“, მირიან მეფის ქუჩაზე, 330 გრძივ მეტრზე ახალი სანიაღვრე ქსელი მოეწყობა, რაც წვიმის შემთხვევაში წყლის დატბორვის პრობლემას მოგვიხსნის, - ამის შესახებ თბილისის მერმა, კახა კალაძემ თბილისის მთავრობის სხდომაზე განაცხადა.

მისი თქმით, აღნიშნული პრობლემა 1 200 000 ლარი დაჯდება.

„დაგეგმილი სამუშაოს გამო ხვალიდან მირიან მეფის ქუჩაზე საავტომობილო გადაადგილება ნაწილობრივ შეიზღუდება, ხოლო მომდევნო პერიოდში შეზღუდვები ეტაპობრივად სხვადასხვა მონაკვეთში გაგრძელდება. ამ დისკომფორტისთვის მოსახლეობას ბოდიშს ვუხდი, მაგრამ მგონი ყველა ვთანხმდებით, რომ პროექტის განხორციელება აუცილებელია იმისთვის, რომ იგივე პრობლემები არ მივიღოთ, რაც ბოლო თვეებში ხდებოდა“, - განაცხადა კალაძემ.

როგორც მან აღნიშნა, მსგავსი სამუშაო დაგეგმილია თბილისის სხვა უბნებშიც.

„არის სხვა ქუჩებიც, სადაც მსგავსი პრობლემა არსებობს. ასეთია „დიღმის დაჩები“, სადაც გვაქვს იგივე პრობლემა. უხვი ნალექის დროს ხევები ამოვსებულია და ოჯახებში წყლის შევარდნა ხდება. ამ პრობლემაზეც ვმუშაობთ და უახლოეს მომავალში გვექნება კონკრეტული გეგმა, თუ როგორ უნდა გადაიჭრას არსებული პრობლემა“, - განაცხადა კახა კალაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს