ნიუ-იორკის მერმა, ბილ დე ბლაზიომ კოკისპირული წვიმის შემდეგ საგანგებო მდგომარეობა გამოაცხადა. მისი თქმით, მან ეს "ისტორიული ავდრის" გამო გააკეთა. "როიტერსის" ცნობით, ქალაქში კოკისპირული წვიმა მოვიდა, რომელმაც წყალდიდობა და გზებზე სახიფათო პირობები გამოიწვია.

შეჩერდა მოძრაობა ნიუ-იორკის მეტროს თითქმის ყველა ხაზზე. ძლიერი წვიმა ტროპიკული ქარიშხალი "იდას" ნალექებმა გამოიწვია, რომელიც ამერიკაში რამდენიმე დღეა, მძვინვარებს.