მექსიკის საავადმყოფოში წყალდიდობას 17 პაციენტი ემსხვერპლა

მექსიკაში, იდალგოს შტატის ქალაქ ტულას ერთ-ერთ საავადმყოფოში წყალდიდობას 17 ადამიანი ემსხვერპლა, მათი უმეტესობა კოვიდპაციენტია, - ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.

გავრცელებული ინფორმაციით, წყალდიდობა კოკისპირულმა წვიმამ გამოიწვია, რის შედეგადაც მდინარე ტულა ნაპირებიდან გადმოვიდა.

სავადმყოფოდან 40 პაციენტის ევაკუირება განხორციელდა. მექსიკის მთავრობაში აცხადებენ, რომ წინასწარი შეფასებით, ქალაქში წყალდიდობის შედეგად 2 000-მდე სახლი დაზიანდა.

მექსიკის პრეზიდენტმა ანდრეს მანუელ ლოპეს ობრადორმა წყალდიდობის გამო რისკის ქვეშ მყოფ მოქალაქეებს მოუწოდა, თავშესაფრები, უფრო მაღალი ადგილები მოძებნონ, ან თავი მეგობრებსა და ნათესავებთან შეაფარონ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს