„ქართული ოცნების“ კვლევის მიხედვით, რუსთავში, თვითმმართველობის არჩევნებში, მმართველ პარტიას ხმას 49.7% აძლევს, „ნაციონალურ მოძრაობას“ - 33.6%

„ქართული ოცნების“ მიერ ჩატარებული კვლევის მიხედვით, რუსთავში, თვითმმართველობის არჩევნებში, მმართველ პარტიას ხმას გამოკითხულთა 49.7% აძლევს, „ქართული ოცნების“ მერობის კანდიდატს ნინო ლაცაბიძეს კი 53.5% უჭერს მხარს.

როგორც დღეს გამართულ ბრიფინგზე „ქართული ოცნების“ წევრმა შალვა პაპუაშვილმა განაცხადა, რეიტინგების გათვალისწინებით, „ქართული ოცნების“ შვიდივე მაჟორიტარი დეპუტატობის კანდიდატი დამაჯერებლად იმარჯვებს.

მისივე თქმით, რუსთავის საკრებულოს არჩევნები ამ შედეგებით რომ დასრულდეს, „ქართულ ოცნებას“ 23 მანდატი ექნება, „ნაციონალურ მოძრაობას“ 10, „პატრიოტთა ალიანსსა“ და „საქართველოსთვის“ 1-1.

კვლევის მიხედვით, „ნაციონალურ მოძრაობას“ ხმას 33.6% აძლევს; „პატრიოტთა ალიანსს“ 3.5%; პარტიას „საქართველოსთვის“ 3.3%; „გირჩი- მეტი თავისუფლება“ 2.7%, „ლელო" - 1.8%; „ლეიბორისტული პარტია“ -1.2%; ხოლო სხვა პარტიებს ხმას 4.2% აძლევს.

რაც შეეხება მერობის კანდიდატების რეიტინგს,კვლევის თანახმად, „ქართული ოცნების“ კანდიდატს, ნინო ლაცაბიძეს ხმას გამოკითხულთა 53.5% აძლევს; „ნაციონალური მოძრაობის“ კანდიდატს დავით კირკიტაძეს - 36.8%; „საქართველოსთვის“ კანდიდატს ბექა ლილუაშვილს - 3.6%; „პატრიოტთა ალიანსის“ კანდიდატს თორნიკე არევაძეს - 2.6%; ხოლო სხვა კანდიდატებს მხარს გამოკითხულთა 3.5% აძლევს.

პარტიის სოციოლოგიური კვლევის ჯგუფმა წინასაარჩევნო სოციოლოგიური კვლევა ქალაქ რუსთავში, 7-10 სექტემბერს ჩაატარა. გამოიკითხა 1405 რესპოდენტი, კვლევის ცდომილების მაქსიმალური ზღვარი შეადგენს 3 პროცენტს.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს