სკოლის ყოფილმა დირექტორებმა და პედაგოგებმა განათლების სამინისტროსთან აქცია გამართეს. ისინი განათლების მინისტრთან მიხეილ ჩხენკელთან შეხვედრას ითხოვდნენ.
აქციაზე შეკრებილები აცხადებენ, რომ ისინი სამსახურიდან პოლიტიკური ნიშნით გაათავისუფლეს.
"მე ვარ რეპრესირებული დირექტორი. ჩემზე განახორციელეს პირველი ძალადობა. მავალებდნენ პედაგოგის გათავისუფლებას პოლიტიკური მოტივებით, რომელიც მათ აწყობდათ, რაზეც უარი მიიღეს. ჯერ დამბლოკეს და შემდეგ გამათავისუფლეს", - განაცხადა 116-ე საჯარო სკოლის ყოფილმა დირექტორმა, დიმიტრი მეჭურჭლიშვილმა.
აქციაზე ასევე სამოქალაქო აქტივისტები იმყოფებიან, რომლებიც მხარდაჭერას უცხადებენ პედაგოგებს და დირექტორებს და აცხადებენ, რომ პოლიტიკური ნიშნით სამსახურიდან გათავისუფლება უნდა დასრულდეს და განათლების მინისტრი გადადგეს.