გამოკითხვის შედეგებით, თბილისის მერის არჩევნებში 40% ხმას კახა კალაძეს, 17% ნიკა მელიას, 13% კი გიორგი გახარიას მისცემდა

„ინტერპრესნიუსის“, ambebi.ge-ს, bpn.ge-სა და „კვირის პალიტრის“ პორტალებზე ჩატარებული გამოკითხვის თანახმად, დღეს რომ თბილისის მერის არჩევნები ტარდებოდეს, გამოკითხულთა უმეტესობა - 40 % ხმას „ქართული ოცნების“ კანდიდატს, კახა კალაძეს მისცემდა. 17 %-ით მეორე ადგილზეა ოპოზიციის ნაწილის ერთიანი კანდიდატი ნიკა მელია, მესამეზე კი 13 %-ით - პარტია „საქართველოსთვის“ ლიდერი გიორგი გახარია.

აღნიშნულ პორტალებზე გამოკითხვა 13-14 სექტემბერს მიმდინარეობდა და მასში მონაწილეობა 27 758 მკითხველმა მიიღო. გამოკითხვისას ხმის მიცემა ერთი მოწყობილობიდან მხოლოდ ერთხელ იყო შესაძლებელი.

უფრო კონკრეტულად გამოკითხვის შედეგები ასეთია:

ანა ბიბილაშვილი - „ლელო“ - 3 %;

ანა დოლიძე - „ანა დოლიძე - ხალხისთვის“ – 5 %;

არინზე რიჩარდ ოგბუნუჯუ - „ჩვენი გაერთიანებული საქართველო“ – 9 %;

გიორგი გახარია - „გახარია - საქართველოსთვის“ – 13 %;

გიორგი ლომია - „საქართველოს პატრიოტთა ალიანსი“ – 2 %;

თამარ კეკენაძე - „მესამე ძალა“ – 1 %;

კახა კალაძე - „ქართული ოცნება - დემოკრატიული საქართველო“ – 40 %;

მიხეილ ქუმსიშვილი - „საქართველოს ლეიბორისტული პარტია“ – 1 %;

ნიკანორ მელია - „ერთიანი ნაციონალური მოძრაობა“ – 17 %;

სხვა - 3 %;

ჯერ არ მაქვს გადაწყვეტილი - 6 %

მოცემული ინტერაქტიული გამოკითხვა არ წარმოადგენს საზოგადოებრივი აზრის კვლევას და მასში მხოლოდ აღნიშნული ვებგვერდების მკითხველის პოზიციაა დაფიქსირებული.