კომპანიამ „ტოიოტა ცენტრი თეგეტა“ უნიკალური მუხის 1000 ნერგი დარგო

ჩვენს პლანეტაზე არსებულმა გლობალურმა პრობლემებმა ეკოლოგიაზე ზრუნვის საჭიროება გააჩინა. სწორედ ამიტომ თანამედროვე სამყაროში გარემოსდაცვითი საკითხები სულ უფრო მეტი ადამიანისთვის გახდა აქტუალური, - ამის შესახებ „თეგეტა მოტორსის“ მიერ გავრცელებულ ინფორმაციაშია აღნიშნული.

კომპანიის ცნობით, მსოფლიოში ნელ-ნელა გამოჩნდნენ ეკომეგობრული კომპანიებიც, რომელთათვისაც ეკოლოგია და, ზოგადად, ეს თემა ისეთივე მნიშვნელოვანი გახდა, როგორიც ეს გარემოსდამცველი თუ ცალკეული ინდივიდებისთვის.

„ტოიოტა ცენტრ თეგეტას“ მწვანე არჩევანი - ჯერ კიდევ 2015 წელს „ტოიოტამ“ მსოფლიოს გამოწვევას უპასუხა და უმნიშვნელოვანესი პროექტი „ეკოგამოწვევა 2050“ წამოიწყო, რომელიც ჰიბრიდულ, ელექტრო და წყალბადის ძრავით აღჭურვილ ავტომობილებზე ფოკუსირებას, საწარმოო ნარჩენების გონივრულ მართვასა და ეკოსისტემასთან ჰარმონიულ თანაარსებობას გულისხმობს. მაღალი სოციალური პასუხისმგებლობიდან გამომდინარე „ტოიოტა ცენტრმა თეგეტა“ 2019 წლიდან მწვანე გზა აირჩია, ამ გლობალურ კამპანიაში ჩაერთო და ჰიბრიდული ავტომობილების გაყიდვების წახალისებას შეუდგა“,- ნათქვამია ინფორმაციაში.

აღნიშნულ წამოწყებას 2021 წელს „ტოიოტა ცენტრი ბათუმიც“ შეუერთდა. „ტოიოტა ცენტრი თეგეტას“ მარკეტინგის მენეჯერი თეა მანჯავიძე ეკომეგობრული კომპანიის მიერ განხორციელებული კამპანიის შესახებ გვიყვება.

„უკვე 2 წელია ყველა მომხმარებელი, ვინც „ტოიოტა თეგეტაში“ ჰიბრიდული ძრავით აღჭურვილ მოდელს შეიძენს, „მწვანე გზის კლუბის“ წევრი ხდება, საჩუქრად გადაეცემა გამწვანების ბარათი, ხოლო ჩვენი კომპანია მის სახელზე აჯამეთის დაცულ ტერიტორიაზე გადაშენების პირას მყოფ მუხის ნერგს რგავს. „ტოიოტა ცენტრი თეგეტა“ ამ კამპანიით გარემოს დაცვის და სოფლის მეურნეობის სამინისტროს დაცული ტერიტორიების სააგენტოს უმნიშვნელოვანეს პროექტს უერთდება, რომელიც რამდენიმე წელია, მიმდინარეობს და აჯამეთის დაცულ ტერიტორიებზე იმერული მუხის აღდგენას გულისხმობს“,- აცხადებს თეა მანჯავიძე.

აღდგენილი იმერული მუხა - საქართველოს წითელ ნუსხაში შეტანილი, გადაშენების პირას მყოფი იმერული მუხა აჯამეთის აღკვეთილის ერთ-ერთი მთავარი ღირებულებაა. „ტოიოტა ცენტრ თეგეტამ“ კი უკვე ამ უნიკალური მუხის 1000 ძირი დარგო. როგორც თეა მანჯავიძე ამბობს, ეკომეგობრული კომპანია გარემოზე ზრუნვას კვლავაც აგრძელებს.

„ეს არ არის ერთჯერადი პროექტი, რა თქმა უნდა, მას პერმანენტული ხასიათი ექნება. ჩვენ ძალიან გვიხარია, რომ წვლილი შეგვაქვს ეკოლოგიაზე ზრუნვაში და ვიმედოვნებთ, რომ მომავალში ხეების დარგვის პროცესში ჩვენი მომხმარებელიც აქტიურად ჩაერთვება“,- აცხადებს მანჯავიძე.

ადამიანები ჯანსაღი გარემოს შექმნისთვის - თანამედროვე სამყაროში ადამიანები ცხოვრების ტემპიდან გამომდინარე - სურვილის მიუხედავად ეკოლოგიაზე და უკეთესი გარემოს შექმნაზე ზრუნვას ხშირად ვერ ახერხებენ. გამწვანების პროექტი „ტოიოტა ცენტრ თეგეტას“ მომხმარებელს ამ სურვილის ასრულებაში და ამ მიზნისთვის საჭირო ნაბიჯების გადადგმაში დაეხმარა. „ტოიოტა ცენტრი ბათუმის“ მომხმარებელი - ნინო შავაძე, მწვანე გზის პროგრამას ერთ-ერთი პირველი შეუერთდა.

„ყოველთვის მინდოდა, რომ გარემოზე ზრუნვაში ჩემი წვლილი შემეტანა, თუმცა ამას ვერასდროს ვახერხებდი. „ტოიოტა ცენტრ თეგეტას“ გამწვანების პროექტი კი ამის საუკეთესო საშუალება აღმოჩნდა. სწორედ იმ დროს, როდესაც ახალი მანქანის შეძენა გადავწყვიტე, ბათუმში ტოიოტას ოფიციალური ცენტრი გაიხსნა, რომელიც ასევე ჩართულია ამ კამპანიაში. ბევრი არც მიფიქრია და ჩემი არჩევანი ჰიბრიდზე შევაჩერე. გარდა იმისა, რომ ახალი, ეკოლოგიური მანქანით დავდივარ და გარემოს ისედაც ნაკლებად ვაბინძურებ, პარალელურად ჩემ მიერ გავლილ კილომეტრებთან ერთად ხეები ირგვება“,- აცხადებს ნინო შავაძე.

ეკომეგობრული კომპანიების მხრიდან აქტიურობა საზოგადოებაში ცნობიერებას ამაღლებს და მოტივაციას ზრდის. „ტოიოტა ცენტრ თეგეტას“ მომხმარებელი ჰიბრიდული ძრავის მქონე ავტომობილის შეძენისთანავე გზას მწვანე მომავლისკენ ირჩევს და უპირატესობას ეკოლოგიურად სუფთა სამყაროში ცხოვრებას ანიჭებს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს