მეგის ქარდავა გიგი უგულავას „კორუმპირებულს“, მამუკა ხაზარაძეს კი „საბჭოთა ადამიანს“ უწოდებს
სამხედრო პოლიციის დეპარტამენტის ყოფილი უფროსი მეგის ქარდავა გიგი უგულავას „კორუმპირებულს“, მამუკა ხაზარაძეს კი „საბჭოთა ადამიანს“ უწოდებს.
ქარდავა უგულავასა და ხაზარაძეს რუსთვის მე-12 სასჯელაღსრულების დაწესებულებიდან გავრცელებულ განცხადებაში მიმართავს.
"მინდა გამოვეხმაურო კორუმპირებული გიგი უგულავას, საბჭოთა ადამიან მამუკა ხაზარაძეს და მათი კოლეგების ჩემთან მიმართებაში გაკეთებულ მორალურად გახრწნილ და ცილისმწამებლურ ანტისახელმწიფოებრივ განცხადებებს. პოლიტიკური დევნის პროცესში თქვენთვის წაყენებულ ბრალდებებს მოტივად გასდევს კორუფცია, ანგარება. ჩემს წინააღმდეგ ასევე პოლიტიკური დევნის პროცესში წაყენებული ბრალდებების მოტივი კი იყო და მუდამ იქნება „საქართველოს სახელმწიფო ინტერესები“, - აცხადებს მეგის ქარდავა.
