არასტანდარტული ვაშლის რეალიზაციის ხელშეწყობის სახელმწიფო პროგრამა აქტიურად მიმდინარეობს
არასტანდარტული ვაშლის რეალიზაციის საკოორდინაციო შტაბის უფროსი ლაშა შალამბერიძე და კახეთის მხარის სახელმწიფო რწმუნებული ირაკლი შიოშვილი თელავის მუნიციპალიტეტში მდებარე ხილის გადამამუშავებელ კომპანიაში - „აჩინებული“ იმყოფებოდნენ, სადაც არასტანდარტული ვაშლის მიღება-გადამუშავების პროცესს ადგილზე გაეცნენ.
გარემოს დაცვისა და სოფლის მეურნეობის სამინისტროს ინფორმაციით, კომპანია „აჩინებული“ არასტანდარტული ვაშლის რეალიზაციის ხელშეწყობის პროგრამაში ჩაერთო.
უწყების ცნობით, თანამედროვე სტანდარტებით აღჭურვილი ხილის გადამამუშავებელი საწარმო სახელმწიფოს დახმარებით, სოფლის განვითარების სააგენტოს თანადაფინანსებით არის შექმნილი.
„10 სექტემბრიდან დაიწყო არასტანდარტული ვაშლის ჩაბარების პროცესი, ფერმერებს საშუალება აქვთ პროგრამაში ჩართულ ხილის გადამმუშავებელ კომპანიებში ჩააბარონ სამრეწველო ვაშლი. პროგრამაში 10-მდე ხილის გადამმუშავებელი საწარმოა ჩართული შიდა ქართლის, კახეთის, მცხეთა-მთიანეთისა და რაჭა-ლეჩხუმის რეგიონიდან. 21 სექტემბრის მდგომარეობით, უკვე 2,700 ტონაზე მეტი არასტანდარტული ვაშლია ჩაბარებული“, - განაცხადა არასტანდარტული ვაშლის რეალიზაციის საკოორდინაციო შტაბის უფროსმა, ლაშა შალამბერიძემ.
არასტანდარტული ვაშლის რეალიზაციის ხელშეწყობის სახელმწიფო პროგრამის მხარდაჭერით, ფერმერები პროგრამაში ჩართულ ხილის გადამამუშავებელ საწარმოებში არასტანდარტული ვაშლის ჩაბარებას, არანაკლებ, 22 თეთრად, 10 სექტემბრიდან 15 დეკემბრამდე შეძლებენ.
სახელმწიფო პროგრამის ფარგლებში, არასტანდარტული ვაშლის შესყიდვისას, სახელმწიფო სუბსიდიას - 1 კგ არასტანდარტულ ვაშლზე 10 თეთრს - ვაშლის მოსავლის რეალიზაციის საკოორდინაციო შტაბში რეგისტრირებული ხილის გადამამუშავებელი ის კომპანიები მიიღებენ, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს, არანაკლებ, 22 თეთრად შეისყიდიან.
This is a modal window.
v-if="article.gallery" v-html="article.gallery"
