გიორგი ნონიაშვილი - ყველგან კორუფციაა შესული და ჩინოვნიკების პირად ინტერესებს ემსახურება სახელმწიფო ბიუჯეტი, რომელიც ადამიანების კეთილდღეობას უნდა ემსახურებოდეს

ყველგან ბოლომდე კორუფციაა შესული და ჩინოვნიკების პირად ინტერესებს ემსახურება სახელმწიფო ბიუჯეტი, რომელიც უნდა ემსახურებოდეს ადამიანების კეთილდღეობას, - ამის შესახებ „ევროპული საქართველოს“ და ოპოზიციის შეთანხმებულმა მაჟორიტარობის კანდიდატმა გიორგი ნონიაშვილმა ბრიფნგზე განაცხადა.

გიორგი ნონიაშვილმა და ბესიკ დონაძემ კორუფციასთან დაკავშირებით ისაუბრეს.

გიორგი ნონიაშვილის თქმით, პრემიერ-მინისტრი ირაკლი ღარიბაშვილი ცრუობს, როდესაც ამბობს, რომ ქვეყანაში კორუფციის პრობლემები საერთოდ არ არის.

„დღეს ჩატარდა ირაკლი ღარიბაშვილის ბრიფინგი, რომელიც უტიფრად გვიმტკიცებდა, რომ ამ ქვეყანაში კორუფციის პრობლემები საერთოდ არ არის და პირიქით მოწინავე ადგილებზე ვართ და ევროპულ ქვეყნებს ვუსწრებთ ანტიკორუფციული მიმართულებით და სამწუხარო ამბავია, რომ ასე უტიფრად იტყუება საქართველოს პრემიერ-მინისტრი, როცა საქართველოს თითოეული მოქალაქემ იცის, რომ ქალაქებში და სოფლებში ცენტრალურ თუ ადგილობრივ დონეზე ყველგან ბოლომდე არის კორუფცია შესული და ადგილობრივი ჩინოვნიკების პირად ინტერესებს ემსახურება სახელმწიფო ბიუჯეტი, რომელიც უნდა ემსახურებოდეს ადამიანების კეთილდღეობას. მაგალითათ, საქართველოს წლიური შესყიდვები, რომელიც არის 5 მილიარდი აქედან 1 მილიარდზე მეტი იხარჯება გამარტივებულ, უტენდერო შესყიდვებში, სადაც პირდაპირი კორუფციული რისკები არსებობს და შედარებისთვის, როცა ევროპულ ქვეყნებს ადარებს ღარიბაშვილი ჩვენს ქვეყანას, 21%-ია საერთო შესყიდვების გამარტივებული რაოდენობა ჩვენს ქვეყანაში, რაც ევროკავშირის წევრი ქვეყნების მაჩვენებელს 3-4 ჯერ აღემატება, მე მინდა შევახსენო საზოგადოებას თავად ღარიბაშვილის ოჯახი როგორ არის კორუფციაში ჩართული, ამის ნათელი მაგალითი არის შპს “სერპანტინი”, რომელმაც 2012-2020 წლამდე 120 მილიონი ლარი მიიღო სახელმწიფოსგან, შპს “სერპანტინი” არის ღარიბაშვილის ყოფილი მოადგილის და მასთან დაახლოებული პირის გიორგი ზედელაშვილის დედა არის მესაკუთრე და თამარ ჯანყარაშვილი, რომელიც ამავდროულად არის ღარიბაშვილის სიმამრის თამაზ თამაზაშვილის ნათესავი და ეს კომპანია წლიდან წლამდე იგებს ტენდერებს და ასევე გამარტივებულ შესყიდვებში მსხვილ თანხებს“, - განაცხადა გიორგი ნონიაშვილმა.

ბესიკ დონაძის განცხადებით, პრემიერ-მინისტრ ირაკლი ღარიბაშვილის მიერ შევსებულ დეკლარაციაში გასავალი არის უფრო მეტი, ვიდრე შემოსავალი.

„მინდა შევახსენო მოძალადე, კორუმპირებულ ირაკლი ღარიბაშვილს რამდენიმე საქმე მისი კორუმპირებული გარიგებებიდან. ირაკლი ღარიბაშვილმა პრემიერ - მინისტრობის პერიოდში ლაშა ჩხარტიშვილის კომპანიას 1 ლარად გადასცა მიწის ნაკვეთი სიღნაღში და ასევე მოუხსნა პირგასამტეხლოს გადასახადი. პოსტიდან წასვლის შემდგომ, როდესაც ივანიშვილმა გამოაგდო სამსახურიდან, ვანო ჩხარტიშვილმა მის კომპანიაში დაასაქმა და წელიწადში 240 000 ლარს უხდიდა.

ღარიბაშვილის მამას, ტარიელ ღარიბაშვილს „ნახიდური ჰესის“ მშენებლობაზე ნებართვა გიორგი კვირიკაშვილმა მისცა. ღარიბაშვილის მამის პარტნიორები არიან უჩა მამაცაშვილი და მისი პარტნიორი ვახტანგ კარიჭაშვილი.

ირაკლი ღარიბაშვილმა თავდაცვის მინისტრობისას ვახტანგ კარიჭაშვილის კომპანიას „ქართული სპორტი“ გამარტივებული წესით გაუფორმა 70 000 ლარის კონტრაქტი. ღარიბაშვილის მიერ შევსებულ დეკლარაციაში გასავალი არის უფრო მეტი, ვიდრე შემოსავალი. ასევე მას ქონება შეძენილი აქვს მისი მეუღლის სახელზე, რომელსაც არ აქვს შემოსავალი. გარდა ამისა, ირაკლი ღარიბაშვილის მეუღლეს, რომელიც არის შემოსავლის არმქონე, „ქართუ ბანკმა“ 200 000 ლარამდე სესხი მისცა. მხოლოდ ეს სამი საქმე არის საკმარისი, რომ ირაკლი ღარიბაშვილის წინააღმდეგ აღიძრას სისხლის სამართლის საქმე და პრემიერი აღმოჩნდეს გისოსებს მიღმა, იმიტომ რომ პრემიერი არის მოძალადე და კორუმპირებული. ამ საქმეებს თავისი მტკიცებულებებით ჩავაბარებთ კანცელარიაში, რომელიც ხვალ დილით აუცილებლად ექნება მაგიდაზე, კიდევ ერთხელ გადაიკითხოს და გაიხსენოს მისი კორუფციული სქემები", - განაცხადა ბესიკ დონაძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს