ოკუპირებული აფხაზეთის ე.წ. შინაგან საქმეთა მინისტრმა თანამდებობა დატოვა

ოკუპირებული აფხაზეთის ე.წ. შინაგან საქმეთა მინისტრმა დიმიტრი დბარმა ე.წ. პრეზიდენტს თანამდებობიდან გადაყენების თხოვნით მიმართა, რაც 30 სექტემბერს სოხუმის სანაპიროზე მომხდარ სროლას უკავშირდება.

ეს განცხადება მან ასლან ბჟანიას ე.წ. ძალოვანი უწყებების წარმომადგენლებთან თათბირზე გააკეთა.

დბარმა იმედი გამოთქვა, რომ „დეპუტატები“, ვისაც ამ ინციდენტთან შეხება აქვს, ასევე მოიქცევიან.

ე.წ. პრეზიდენტმა დბარის განცხადება დააკმაყოფილა იმ დრომდე, ვიდრე გამოძიება დასრულდება და მისი მოვალეობის შემსრულებლად რუსლან აჟიბა დანიშნა.

ოკუპირებული აფხაზეთის ე.წ. გენერალური პროკურატურა იძიებს 30 სექტემბრის ინციდენტს, რომლის დროსაც სოფელ აძიუბჟას „ვეტერანებსა“ და ე.წ. პარლამენტის წევრს გარი კოკაიას შორის სოხუმის ერთ-ერთ რესტორანში სროლა მოხდა, რა დროსაც ადგილზე მილიციის თანამშრომლები მივიდნენ ე.წ. შს მინისტრ დიმიტრი დბართან ერთად. მათ „დეპუტატს“ იარაღის ჩაბარე მოსთხოვეს, რაზეც მან უარი განაცხადა. ამას შეხლა-შემოხლა მოყვა, რის შედეგადაც, ე.წ. აფხაზეთის ომის გმირები დაშავდნენ - სულ შვიდი ადამიანი.

მომხდართან დაკავშირებით, ოკუპირებული აფხაზეთის ე.წ. პრეზიდენტმა ასლან ბჟანიამ მოსკოვში სამუშაო ვიზიტი შეწყვიტა და სოხუმში დაბრუნდა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა