ოკუპირებულ აფხაზეთში საქართველოს, თურქეთის და აზერბაიჯანის ერთობლივ წვრთნებს ეხმაურებიან და საქართველოს მხრიდან პროვოკაციულ გამოხტომას უწოდებენ

ოკუპირებული აფხაზეთის ე.წ. საგარეო საქმეთა სამინისტრო მრავალეროვნული სამეთაურო-საშტაბო სწავლება „ETERNITY 2021“-ის დაწყებას ეხმაურება და მას საქართველოს მხრიდან საშიშ პროვოკაციულ გამოხტომას უწოდებს, რომელიც მიმართულია საქართველოს სამხედრო ამბიციის წახალისებისკენ.

„იქმნება შთაბეჭდილება, რომ საქართველოს ხელისუფლებამ სერიოზულად გადაწყვიტა შექმნას თავის ტერიტორიაზე თავისებური პოლიგონი საბრძოლო მოქმედებების დასამუშავებლად უსახელო მტრის წინააღმდეგ. თანაც ამერიკისა და ნატოს სამხედრო ძალა და პოტენციალი ქართველი სტრატეგიებისთვის უკვე აღარ არის საკმარისი და ბოლო წლებია, თბილისი აქტიურად აღრმავებს სამხედრო კავშირებს ანკარასთან და ბაქოსთან“, - ნათქვამია დე ფაქტო უწყების განცხადებაში.

მასში აღნიშნულია, რომ „აფხაზი დიპლომატები“ ეჭვქვეშ აყენებენ სამხედრო წვრთნების გაცხადებულ მიზნებს.

„ოდესღაც საუბრობდნენ რკინიგზის დაცვის აუცილებლობაზე, ახლა კი შესაძლოა საჭირო გახდეს რეგიონული ეკონომიკური პროექტების დაცვა“, - აცხადებენ ოკუპირებულ აფხაზეთში.

დე ფაქტო უწყებაში აღნიშნეს, რომ აფხაზეთში უყურადღებოდ არ ტოვებენ „საქართველოში მიმდინარე მილიტარიზაციის პროცესს და საჭიროების შემთხვევაში მზად არიან შესაბამისი ქმედებებისთვის თავისი ტერიტორიის დასაცავად და მოქალაქეების უსაფრთხოების უზრუნველსაყოფად“.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა