იურიდიულ საკითხთა კომიტეტის თავმჯდომარემ, ანრი ოხანაშვილმა აშშ-საელჩოში იუსტიციის დეპარტამენტის სამართლებრივ მრჩეველთან, ლენა ოუენსთან გაცნობითი ხასიათის შევედრა გამართა. ამის შესახებ ინფორმაციას საქართველოს პარლამენტი ავრცელებს.

ანრი ოხანაშვილმა სტუმარს კომიტეტის პრიორიტეტები, სამოქმედო გეგმა და დაგეგმილი რეფორმები გააცნო. მხარეები ორმხრივ მჭიდრო თანამშრომლობაზე შეთანხმდნენ.

„ქალბატონი ლენა ოუენსი ჩართული იქნება იმ სამართლებრივ რეფორმებში, რომლებიც საქართველოში განხორციელდება და სწორედ, ის იქნება ერთ-ერთი ჩვენი პარტნიორი აშშ-ის საელჩოდან. იურიდიულ საკითხთა კომიტეტი და პირადად მე როგორც აქამდე ვახორციელებდით ჩვენს ამერიკელ მეგობრებთან მჭიდრო თანმშრომლობას, ასევე გავაგრძელებთ მომავალშიც", - განაცხადა შეხვედრის დასრულების შემდეგ ანრი ოხანაშვილმა.