გიორგი ვაშაძე - ბრძოლა გრძელდება, ჩვენ ვაპირებთ, რომ სერიოზული დასკვნები გამოვიტანოთ - მოვუწოდებ მოქალაქეებს, მეორე ტურში მხარი დაუჭირონ ოპოზიციონერ კანდიდატებს

ბრძოლა გრძელდება, ჩვენ ვაპირებთ, რომ სერიოზული დასკვნები გამოვიტანოთ ამ უთანასწორო არჩევნებიდან, რომელშიც პოლარიზებამ თავისი როლი ითამაშა",-ამის შესახებ "მესამე ძალა-სტრატეგია აღმაშენებლის" ლიდერმა, გიორგი ვაშაძემ დღევანდელ ბრიფინგზე განაცხადა.

მან მადლობა გადაუხადა მხარდამჭერებს და განაცხადა, რომ პარტია გააგრძელებს ბრძოლას საქართველოს უკეთესი განვითარებისთვის.

"სტრატეგია აღმაშენებელი" გააგრძელებს ბრძოლას საქართველოს უკეთესი განვითარებისა და წინსვლისთვის. მინდა აღვნიშნო, რომ ჩვენ 7 მუნიციალიტეტში გვეყოლება საკრებულოში ჩვენი წარმომადგენლები, თითოეულ მათგანს დიდი მადლობა ბრძოლისთვის, სრული მხარდაჭერა. ჩვენ ვიქნებით იმ ხალხის ხმა, ვისაც დავპირდით, რომ ადგილობრივების ხმას მივიტანთ საკრებულომდე, თვითმმართველობამდე და დავიცავთ საქართველოს თითოეული მოქალაქის უფლებას", - განაცხადა ვაშაძემ.

მან საქართველოს ყველა მოქალაქეს მოუწოდა, მივიდნენ არჩევნების მეორე ტურში მონაწილეობის მისაღებად და მხარი დაუჭირონ ყველა კანდიდატს, რომელიც არ წარმოადგენს "ქართულ ოცნებას".

"რაც შეეხება არჩევნების მეორე ტურს, ჩვენ, ჩვენი კომისიის წევრებით აქტიურად მივიღებთ მონაწილეობას იმაში, რომ საქართველოს თითოეული მოქალაქის ხმა დაცული იყოს. რაც ძალიან მნიშვნელოვანია, მოვუწოდებ საქართველოს ყველა მოქალაქეს, მივიდნენ არჩევნების მეორე ტურზე, მხარი დაუჭირონ ყველა კანდიდატს, რომელიც ყველა ოპოზიციურ, დამოუკიდებელ კანდიდატს,სხვადასხვა პარტიების წარმომადგენლებს. ვფიქრობ, ეს იქნება მნიშვნელოვანი გზავნილი ამ მძიმე ვითარებაში. სამწუხაროდ, პოლარიზება და მძიმე პოლიტიკური გარემო, არსად წასულა, ყველას გვმართებს პასუხისმგებლობით მუშაობა იმისთვის, რომ აღმოვფხვრათ დიდი უფსკრული, რომელიც ქვეყანაშია, პირველ რიგში, მოვუწოდებ "ქართულ ოცნებას" თქვენი განცხადებებით ნუ ახალისებთ დაპირისპირებას და კიდევ უფრო მეტ პოლარიზებას ქვეყანაში.

საქართველოს სჭირდება ნორმალური განვითარება და ამ ნორმალურ განვითარებაში გადაწყვეტილებები ყოველთვის ხალხმა უნდა მიიღოს", -განაცხადა ვაშაძემ.

იხილეთ ვიდეო

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა