ნიკოლოზ სამხარაძე ესტონეთის საგარეო საქმეთა მინისტრს შეხვდა

საგარეო ურთიერთობათა კომიტეტის თავმჯდომარე, ნიკოლოზ სამხარაძე, ტალინში სამუშაო ვიზიტის ფარგლებში ესტონეთის საგარეო საქმეთა მინისტრს, ევა მარია ლიიმეტსს შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, მხარეებმა დეკემბერში დაგეგმილი აღმოსავლეთ პარტნიორობის სამიტის მოლოდინებზე და ფორმატის მომავალზე ისაუბრეს.

როგორც ნიკოლოზ სამხარაძემ შეხვედრისას აღნიშნა, აღმოსავლეთ პარტნიორობის სამიტმა ასოცირებული ტრიოს ქვეყნებს, მათი ევროკავშირში წევრობის პერსპექტივასთან დაკავშირებით ძლიერი სიგნალი უნდა გაუგზავნოს.

„ევა მარია ლიიმეტსმა აღნიშნა, რომ ესტონეთი როგორც გაეროს უშიშროების საბჭოს არამუდმივი წევრი, საქართველოს ტერიტორიული მთლიანობის მყარი მხარდამჭერია უშიშროების საბჭოში“, - განაცხადა ნიკოლოზ სამხარაძემ.

საგარეო საქმეთა მინისტრის განცხადებით, ესტონეთი მხარს უჭერს ასოცირებული ტრიოს მიერ ევროკავშირში წევრობის პერსპექტივის მიღებას. "შეხვედრისას, მხარეებმა საქართველოს ოკუპირებულ ტერიტორიებზე არსებულ ვითარებაზე ისაუბრეს. ევა მარია ლიიმეტსი დაინტერესდა სამშვიდობო ინიციატივის - „ნაბიჯი უკეთესი მომავლისაკენ“ მიმდინარეობის შესახებ. მხარეებმა აგრეთვე მიმოიხილეს შავი ზღვის და სამხრეთ კავკასიის რეგიონში უსაფრთხოების კუთხით არსებული ვითარება და რუსეთის მხრიდან მომდინარე საფრთხეები.

საგარეო ურთიერთობათა კომიტეტის თავმჯდომარემ ესტონეთის საგარეო უწყების ხელმძღვანელს საქართველოში გატარებული და დაგეგმილი რეფორმები გააცნო. მან ყურადღება გაამახვილა უკვე განხორციელებულ სასამართლო და საარჩევნო რეფორმაზე. მინისტრმა მხარდაჭერა გამოხატა საქართველოს რეფორმების დღის წესრიგისა და ზოგადად, ჩვენი ქვეყნის ევროკავშირსა და ნატოში გაწევრიანების მიმართ",- ნათქვამია ინფორმაციაში.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა