მეუფე მელქისედეკი - მინდა ვთხოვო ყველას, ვისაც ხელეწიფება, კარგი იქნება მიხეილ სააკაშვილთან მისი მკურნალი ექიმი შევიდეს

მარგვეთისა და უბისის ეპისკოპოსმა, მეუფე მელქისედეკმა რუსთავის N12 პენიტენციური დაწესებულების დატოვების შემდეგ ექსპრეზიდენტ მიხეილ სააკაშვილთან მისი პირადი ექიმის შეშვება ითხოვა.

მეუფე მელქისედეკის თქმით, მიხეილ სააკაშვილი შიმშილობის შეწყვეტას არ აპირებს.

„უპირველეს ყოვლისა მინდა გადმოგცეთ, რომ ყველას მადლობა გადაგიხადათ, ნებისმიერ მოქალაქეს, რომელიც დაინტერესებულია მისი ჯანმრთელობის მდგომარეობით, საერთოდ მისი მდგომარეობით. მადლობელია გუშინდელი დღის აქციასთან დაკავშირებით. მე მინდა ვთხოვო ყველას, ვისაც ხელეწიფება, მისი მკურნალი ექიმი რომ შევიდეს ძალიან კარგი იქნება.

ჯანმრთელობასთან დაკავშირებით რომ ვკითხე, არ მიპასუხა. ვუთხარი და ვურჩიე, რომ ხომ არ იყო დრო უკვე იმის, რომ შიმშილობაში შეიტანოს რაღაც კორექტირებები, მის კვებასთან დაკავშირებით და მან უარი განაცხადა, ის გააგრძელებს შიმშილობას, პირდაპირ გეტყვით ფერი არ მომეწონა, გასაგებია ამდენი ხანია შიმშილობს“, - განაცხადა მეუფე მელქისედეკმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო