ნიკა მელიამ ისიც არ იცის სკოლები ვის ბალანსზეა, პენსიას ვინ უმატებს. ეს საკითხები ჰგონია თვითმმართველობის გადასაწყვეტი და ისეთ დაპირებებს ახმოვანებს, ნებისმიერი ადამიანისთვის არის შეურაცხმყოფელი, - ამის შესახებ “ქართული ოცნების” აღმასრულებელმა მდივანმა მამუკა მდინარაძემ უმრავლესობის სხდომის დასრულების შემდეგ, ჟურნალისტებს განუცხადა.

მდინარაძის თქმით, “ერთიანი ნაციონალური მოძრაობის” თბილისის მერობის კანდიდატის მხრიდან ცრუ დაპირებები ისმის.

“ოპოზიციის მხრიდან ერთი ფრაზაც არ გახმოვანებულა, რაც ეხებოდა თვითმმართველობის პრობლემებს. ჩვენ ვსაუბრობდით თვითმმართველობის საკითხებზე, ოპოზიცია საუბრობდა რეფერენდუმზე, სიძულვილის ენით, ზიზღით და ა.შ. მეორე მხრიდან, თითქოს თვითმმართველობაზე საუბრობენ, ნიკა მელიამ ისიც არ იცის სკოლები ვის ბალანსზეა, პენსიას ვინ უმატებს. ეს საკითხები ჰგონია თვითმმართველობის გადასაწყვეტი და ისეთ დაპირებებს ახმოვანებს, ნებისმიერი ადამიანისთვის არის შეურაცხმყოფელი. იმხელა ტყუილია, “ფეიქის” იმ ხარისხის არის, პენსიის გაზრდაზე საუბარი, სკოლებში კვებაზე, რომელიც მუშავდება უკვე და ასეთი მარტივი გადასაწყვეტი არ არის, თორემ კახა კალაძეს ვერავინ დაასწრებდა ამაზე საუბარს და ამის ინიცირებას. საზოგადოებაზე იმდენად დაბალი წარმოდგენა აქვთ, რომ გონიათ დააჯერებენ”, - განაცხადა მამუკა მდინარაძემ.