გამომცემლობა „წიგნები ბათუმში“ „ბიბლუსის“ ექსკლუზიური პარტნიორი გახდა

წიგნის მაღაზიათა უმსხვილესი ქსელი „ბიბლუსი“ და გამომცემლობა „წიგნები ბათუმში“ ექსკლუზიური პარტნიორები გახდნენ. თანამშრომლობის ფარგლებში გამომცემლობის წიგნები მხოლოდ „ბიბლუსის“ მაღაზიათა ქსელში არის წარმოდგენილი.

გამომცემლობა „წიგნები ბათუმში“ დაახლოებით 7 წლის წინ დაარსდა და მას შემდეგ წიგნის მოყვარულებს მრავალფეროვანი თანამედროვე და კლასიკური ლიტერატურით ანებივრებს. გამომცემლობამ მალევე მოიპოვა მკითხველთა აღიარება, რადგან 2015 წელს ერთდროულად გამოსცა ისეთი პოპულარული ნაწარმოებები, როგორიცაა ფილიპ დიკის „კაცი მაღალ კოშკში“, დენიელ კიზის „ყვავილები ელჯერონისთვის“, კეტრინ პეტერსონის „ხიდი ტერაბითიაში“ და სხვა ნაწარმოებები. მათი უმეტესობა სწრაფად მოხვდა ბესტსელერთა სიაში და დღემდე ლიდერთა პოზიციებს ინარჩუნებს.

„წიგნები ბათუმში“ − ეს არის გამომცემლობა, რომელიც მუდამ უსმენს მსოფლიო ლიტერატურის მაჯისცემას და ქართველ მკითხველს რჩეულ პროზაულ ნაწარმოებებს სთავაზობს, მათი სრული ასორტიმენტი უკვე, მხოლოდ „ბიბლუსის“ ქსელშია ხელმისაწვდომი.

„ბიბლუსის“ 13-წლიანი ისტორია მკითხველისთვის კიდევ უფრო მრავალფეროვანი და საინტერესო სიახლეებით გრძელდება. დაარსების დღიდან წიგნის მაღაზიათა ქსელმა შეძლო და თავი მოუყარა წამყვან გამომცემლობებს, რომლებიც წიგნის მოყვარულებს მუდმივად სიახლეებს სთავაზობენ.

ამ დროისთვის ჩვენს ქვეყანაში „ბიბლუსის“ 60-ზე მეტი ფილიალი ფუნქციონირებს, რამაც როგორც მხატვრული ლიტერატურის, ისე პროფესიული, საგანმანათლებლო, სასწავლო და სხვა მრავალი სახის წიგნის ხელმისაწვდომობა მნიშვნელოვნად გაზარდა. „წიგნები ბათუმში“-ს გამორჩეული ლიტერატურა კი ამ პროცესს კიდევ უფრო გააღრმავებს.

აღსანიშნავია, რომ „ბიბლუსი“ და „წიგნები ბათუმში“ სხვადასხვა ერთობლივ პროექტს დაგეგმავენ და განახორციელებენ, რაც მკითხველისთვის საინტერესო ლიტერატურული მოგზაურობის დასაწყისს ნიშნავს.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია