ამირან გამყრელიძის განცხადებით, კორონავირუსით ინფიცირებულთა ჯამური მაჩვენებლიდან  მოზარდების დაახლოებით 15%-ია ინფიცირებული

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, კორონავირუსით ინფიცირებულთა ჯამური მაჩვენებლიდან მოზარდების დაახლოებით 15%-ია ინფიცირებული.

როგორც ამირან გამყრელიძემ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე ჟურნალისტებთან განაცხადა, ციფრებში კორონავირუსის საწინააღმდეგო ვაქცინით ყველაზე მეტი აცრა თბილისშია ჩატარებული, ხოლო ვაქცინაციის ყველაზე დაბალი მაჩვენებელი ქვემო ქართლსა და სამცხე-ჯავახეთში ფიქსირდება.

ამასთან, გამყრელიძის განცხადებით, ვაქცინაციის მარათონის ფარგლებში სახლებსა თუ ამცრელ პუნქტებში დამატებით აცრილია 1 401 ადამიანი. „ამ ხნის განმავლობაში, კორონავირუსით ინფიცირებულთა ჯამური მაჩვენებლიდან მოზარდების დაახლოებით 15%-ია ინფიცირებული, რაც ნიშნავს, რომ 18 წლამდე ასაკის 103 927 ბავშვისა და მოზარდის ინფიცირების შემთხვევაა დაფიქსირებული. აღნიშნული 103 927 შემთხვევიდან, 6 979 მოზარდს დასჭირდა ჰოსპიტალური მკუნალობა და ხოლო 9 შემთხვევა დასრულდა ლეტალური გამოსავლით.

მსოფლიოს დაახლოებით 233 ქვეყანასა და ერთეულში, დღეში იცრება 28 მილიონი ადამიანი, ამ ტემპით მსოფლიოს დაახლოებით 5-6 თვე სჭირდება 75%-იანი მოცვის მისაღწევად. ჩვენთან დღევანდელი დილის მონაცემებით, 1 955 000 აცრაა ჩატარებული, პირველი დოზა გაკეთებულია 98 908 შემთხვევაში, სრულად აცრილია 928 021 პირი და სულ მცირე 1 აცრა გაკეთებული აქვს 1 260 989-ს, მინიმუმ 1 დოზით მოცვა მოზრდილებში არის 36.15%, ხოლო სრულად აცრილია მოზრდილი მოსახლეობის 32,5%. ბოლო 24 საათში, სამწუხაროდ, ვაქცინაციის პროცესში კვლავ კლების დინამიკა შეინიშნება, ჩატარებულია 4 927 აცრა, საიდანაც პირველი აცრა ჩაუტარდა 2 000-სს, ხოლო დანარჩენ 2 927-ს ჩაუტარდა განმეორობითი აცრა.

აბსოლუტურ ციფრებში ყველაზე მეტი აცრა ჩატარებულია თბილისში, 50,4% მოდის თბილისზე, შემდეგ მოდის აჭარა და იმერეთი. ჩვენთვის სამიზნე პოპულაციის ანუ 60%-ის მიღწევასთან ყველაზე ახლოს არის თბილისი. სადაც სამიზნე პოპულაციის 77% არის ორჯერადად აცრილი, შემდეგ მოდის რაჭა-ლეჩხუმ ქვემო სვანეთი და შემდეგ მოდის აჭარა. ყველაზე დაბალი აცრის მაჩვენებელი გვაქვს ქვემო ქართლში და სამცხე-ჯავახეთში, ამიტომ მარათონში ყველაზე დიდი აქცენტი ამ ადგილებზე კეთდება“, - განაცხადა გამყრელიძემ. ამასთან, გამყრელიძემ კორონავირუსის საწინააღმდეგო იმუნიზაციის შემდეგ მომხდარ გართულებების ფაქტებზეც ისაუბრა და განაცხადა, რომ სერიოზული გართულების შემთვევები 0.01%-ია.

„ვაქცინაციის დაწყებიდან გვქონდა 1758 იშგამი, რაც იმუნიზაციის შემდგომ გართულებებს ნიშნავს, აღნიშნული 1758 შემთვევიდან სერიოზული გართულება 183 შემთვევაში დაფიქსირდა, საიდანაც 114-ს დასჭირდა ამბულატორიული და 45-ს სტაციონალური დახმარება. 0.01%-ია სერიოზული იშგამების დაფიქსირების ფაქტი ქვეყენაში. უკვე ერთი კვირაა მიმდინარეობს დიდ სოფლებში მარათონი, დღევანდლამდე ამ მარათონის ფარგლებში დამატებით აცრილია, სახლებში ან ამცრელ პუნქტებში 1 401 ადამიანი. ჩვენ თუ იმუნიზაციის მაჩვენებელი ვერ ავწიეთ, სამწუხაროდ, ეს 2-თვიანი ციკლი ამ ტალღების გვექნება ხოლმე და სამწუხაროდ გვექნება დამაზიანებელი ეფექტი“, - განაცხადა გამყრელიძემ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს