გიორგი სიორიძე - თუ ბათუმსა და ქუთაისში სრულად არ გადაითვლება ბათილი ბიულეტენები, რომელთა რაოდენობა კანდიდატებს შორის ხმების სხვაობას აჭარბებს, ლეგიტიმაციის პრობლემა დადგება

ცესკოს თავმჯდომარის ოპოზიციონერი მოადგილე, პარტია "ლელოს" წევრი, გიორგი სიორიძე მიიჩნევს, რომ თუ ბათუმსა და ქუთაისში სრულად არ გადაითვლება ბათილი ბიულეტენები, რომელთა რაოდენობა კანდიდატებს შორის ხმების სხვაობას აჭარბებს, არჩევნების ლეგიტიმაციის პრობლემა დადგება.

როგორც მან განაცხადა, ამომრჩევლის ნება გამოხატული უნდა იყოს თანასწორ და თავისუფალ გარემოში.

„არჩევნების შედეგი არის ხალხის წარმომადგენლობის, ინსტიტუტების ლეგიტიმაცია. 30 ოქტომბრის არჩევნები ამ მხრივ საშიშროების წინაშე დგას. ძალაუფლების წყაროს, ამომრჩევლის ნება გამოხატული უნდა იყოს თანასწორ და თავისუფალ გარემოში, სხვა შემთხვევაში, არჩევნები ხდება ფორმალობა, ფიქცია. გუშინ ყველაფერი იყო ისე, როგორც არ უნდა იყოს არჩევნების დღეს. ლეგიტიმაციის ეს პრობლემა განსაკუთრებით დადგება ისეთ ოლქებში, სადაც ბათილი ბიულეტენების იმდენად მაღალი რაოდენობაა, რომ აჭარბებს კანდიდატების მიღებულ ხმებს შორის სხვაობას. პირველ რიგში, საუბარია ბათუმსა და ქუთაისზე. საზოგადოების ამ კითხვის ნიშნებზე რეაგირების მიზნით, საარჩევნო ადმინისტრაციის ამოცანად მიმაჩნია, გადაითვალოს ყველა ბათილი ბიულეტენი ამ ოლქებში, აგრეთვე ზუგდიდშიც, რომელიც განსაკუთრებულ პოლიტიკურ ფოკუსში იყო მოქცეული. არჩევნები არ არის მხოლოდ პროცედურულ-ადმინისტრაციული ინსტრუმენტი. ის არ უნდა გავმიჯნოთ მისი მთავარი არსისგან. სამწუხაროდ, ქართული არჩევნების ისტორიაში ამგვარი გამიჯვნის მიდგომა გვაქვს, რაც ჩაკეტილ წრეზე ტრიალია. თუ ეს წრე არ გავარღვიეთ, „პროცედურული დემოკრატიიდან“ დაგვრჩება მხოლოდ პროცედურები, დემოკრატია კი-გვერდზე“,-განაცხადა სიორიძემ.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო