ცესკო-ს თავმჯდომარე - მერის არჩევნების ნაწილში გადათვლილია 194 უბნის შედეგი და 172 შემთხვევაში შედეგი უცვლელი დარჩა - საერთო ჯამში მერობის კანდიდატებს დააკლდათ 31 ხმა და მოემატათ 53 ხმა

ამ დროისთვის, მერის არჩევნების ნაწილში სულ გადათვლილია 194 უბნის შედეგი, საიდანაც 172 შემთხვევაში შედეგი უცვლელი დარჩა, ხოლო მაჟორიტარი დეპუტატების არჩევნების ნაწილში გადათვლილია 33 საარჩევნო უბნის შედეგი, საიდანაც 27 შემთხვევაში შედეგი უცვლელი დარჩა, - ამის შესახებ ცესკოს თავმჯდომარემ გიორგი კალანდარიშვილმა ბრიფინგზე განაცხადა.

მისი თქმით, მეორე ტურის შემდეგ სულ 201 საარჩევნო უბნის შედეგები გადაითვალა.

„საარჩევნო ადმინისტრაცია არჩევნების დანიშვნის დღიდან 24-საათიან რეჟიმში მუშაობდა და მუშაობს იმისთვის, რომ მუნიციპალიტეტის არჩევნები მაღალი სტანდარტებით, თავისუფალ და სამართლიან გარემოში, მიუკერძოებლად ჩატარებულიყო. მიუხედავად მცირე დროისა, ადმინისტრაციამ შეძლო და ჯერ კიდევ 2 ოქტომბრის არჩევნებისთვის გაითვალისწინა და განახორციელა საარჩევნო რეფორმის ყველა ის სიახლე და ცვლილება, რომელიც გათვალისწინებული იყო 19 აპრილის შარლ მიშელის დოკუმენტით. ამას მოწმობს საერთაშორისო ორგანიზაციების შეფასებები. სწორედ საარჩევნო რეფორმის მნიშვნელოვანი და ფუნდამენტური სიახლეა, რომ კენჭისყრის დასრულებიდან 6 დღის ვადაში, სავალდებულო წესით, უნდა გადაითვალოს შემთხვევითი შერჩევის პრინციპით გამოვლენილი 5-5 საარჩევნო უბანი ყველა საარჩევნო ოლქში.

საარჩევნო კომისიებმა ზედმიწევნით დაიცვეს კანონის ეს წესი და 2 ოქტომბრის არჩევნების შემდეგ უმოკლეს ვადებში გადათვალეს 360 უბანი. აქვე აღვნიშნავ, რომ საერთო ჯამში არჩევნების პირველი ტურის შემდეგ სულ გადავითვალეთ 812 უბანი, მთელი ქვეყნის მასშტაბით. უახლესი საარჩევნო ისტორიის მანძილზე ასეთი რაოდენობის საარჩევნო ოქმების გადათვლა პირველი და უპრეცედენტო შემთხვევაა. საარჩევნო ადმინისტრაციამ, რა თქმა უნდა, მეორე ტურის შემდეგაც ასევე უმოკლეს ვადებში 201 საარჩევნო უბნის შედეგები გადაითვალა, ზოგიერთ საარჩევნო უბანზე მცირედით შეიცვალა მონაცემები, თუმცა არჩევნების შედეგებზე ამას გავლენა არ მოუხდენია. გადათვლის პროცესმა კიდევ ერთხელ დაადასტურა, რომ ადმინისტრაციის მთავარ მიზანს წარმოადგენს საარჩევნო პროცესის გამჭვირვალობა.

ჩვენ გუშინ მივიღეთ გადაწყვეტილება მიგვემართა საოლქო საარჩევნო კომისიებისთვის, არჩევნების მეორე ტურზე ვიდეოფიქსაციის ჩანაწერების არ არსებობის გამო, ორზე მეტ საარჩევნო უბანზე ლოტოტრონის მეშვეობით, შემთხვევითი შერჩევის პრინციპით შერჩეულიყო 2-2 უბანი და მომხდარიყო მათი მონაცემების გადათვლა, ხოლო იმ საარჩევნო ოლქებში, სადაც ასეთი უბნები 2 ან ნაკლებია, ცხადია, ავტომატურად განხორციელებულიყო ყველა მათგანის გადათვლა. შესაბამისად, მინდა წარმოგიდგინოთ ამ დროისთვის გადათვლილი 201 საარჩევნო კომისიის შედეგები. მინდა აღვნიშნო, რომ მერის არჩევნების ნაწილში სულ გადაითვალეს 194 უბნის შედეგი, საიდანაც 172 შემთხვევაში შედეგი უცვლელი დარჩა, საერთო ჯამში მერობის კანდიდატებს დააკლდათ 31 ხმა და მოემატათ 53 ხმა. რაც შეეხება მაჟორიტარი დეპუტატების არჩევნებს - გადაითვალეს 33 საარჩევნო უბნის შედეგი, საიდანაც 27 შემთხვევაში შედეგი უცვლელი დარჩა, ხოლო საერთო ჯამში მაჟორიტარ კანდიდატებს დააკლდათ 7 ხმა და მოემატათ 5 ხმა“, - განაცხადა კალანდარიშვილმა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს