ნიკა მელია - დიახ, საპროტესტო აქციებისკენ ვაპირებთ სვლას, ფართომასშტაბიანი აქციები არ შეჩერდება, ვიდრე სიმართლე არ გაიმარჯვებს

ბელორუსიად უნდა ვაქციოთ ეს სახელმწიფო? დიახაც, საპროტესტო აქციებისკენ ვაპირებთ სვლას, ფართომასშტაბიანი აქციები არ შეჩერდება მანამ, სანამ სიმართლე არ გაიმარჯვებს უახლოეს მომავალში,- ამის შესახებ „ნაციონალური მოძრაობის“ თავმჯდომარე ნიკა მელიამ ბათუმში მიმდინარე აქციაზე სიტყვით გამოსვლისას განაცხადა.

მელიას განცხადებით, გამარჯვებამდე ბრძოლა ახლა იწყება და უკანდახევა არცერთ შემთხვევაში არ იქნება, რადგან არჩევნები ძალადობითა და სხვა უღირსი მეთოდებით მოპარეს.

"ბიძინა ივანიშვილმა გვითხრა, რომ არჩევნების წესით რეალობას თვალს არ გავუსწორებო, უნდა ვაიძულოთ შემოვიდეს ხალხის ნებასთან დაპირისპირებაში, რისთვისაც ვართ მზად ყველა ქალაქში. ბელორუსიად უნდა ვაქციოთ ეს სახელმწიფო? დიახაც, საპროტესტო აქციებისკენ ვაპირებთ სვლას, ფართომასშტაბიანი აქციები არ შეჩერდება მანამ, სანამ სიმართლე არ გაიმარჯვებს უახლოეს მომავალში. არ გვინდა, რომ ერთმანეთთან გაგვიჩნდეს შეკითხვა და მომავალში ჩვენმა შვილიშვილებმა კითხვები დაგვისვან, სად იყო ის მომენტი, როდესაც ვერ იმოქმედეთ და ჭაობი დააკანონეთო? ჩვენ ამ შეკითხვებზე პასუხს გავცემთ უახლოეს მომავალში“, - აღნიშნა ნიკა მელიამ.

ამასთან, ნიკა მელიას განცხადებით, აქცია, რომელიც რუსთავის მე-12 პენიტენციურ დაწესებულებასთან დღეს დაიწყო, არ დასრულდება იქამდე, ვიდრე არ მიაღწევენ მთავარ მიზანს.

"აურაცხელი რაოდენობის ჩვენი თანამებრძოლია იქ, არამხოლოდ „ნაციონალური მოძრაობის“ მხარდამჭერები. რუსთავში ციხესთან დღეს დაიწყება აქცია და არ დასრულდება იქამდე, ვიდრე მთავარ მიზანს არ მივაღწევთ. მოკლე ვადაში უნდა მოვახერხოთ მიხეილ სააკაშვილის სიცოცხლის გადარჩენა. მოვახერხოთ მისი გადაყვანა სამოქალაქო სამედიცინო დაწესებულებაში, ძალიან მნიშვნელოვანია. მეორე ეტაპი იქნება ყველა პოლიტიკური პატიმრის, რომელიც საარჩევნო კამპანიისას დააპატიმრეს, გათავისუფლება. აქ ვალდებულება გვამოძრავებს. არავის შეგვეპაროს ერთმანეთში ეჭვი. სუს-ი ტყუილად კი არ ხარჯავს ასობით მილიონ ლარს, რომ ერთმანეთი წაგვკიდოს, ათასი ჭორები გამოიგონოს. დიახაც, ნათქვამ - ნამოქმედარის ჭეშმარიტი ფასი დადგინდება ხვალინდელი და ზეგინდელი დღეებით და ერთმანეთისთვის თვალებში ჩახედვა არ უნდა მოგვერიდოს. აქ ის ხალხი ვართ შეკრებილი, რომელიც უსამართლობისკენ უკან არ დაიხევს", - აცხადებს მელია.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია