ოკუპირებული სოხუმი და მანაგუა „დაძმობილებული ქალაქები“ გახდნენ

ოკუპირებული აფხაზეთის ე.წ. საგარეო საქმეთა მინისტრმა დაურ კოვემ ნიკარაგუაში ვიზიტისას ხელი მოაწერა შეთანხმებას სოხუმს და ნიკარაგუის დედაქალაქ მანაგუას შორის „დაძმობილების“ ურთიერთობების დამყარების შესახებ, - ინფორმაციას მედია ე.წ. საგარეო საქმეთა უწყების პრესცენტრზე დაყრდნობით ავრცელებს.

მათივე ინფორმაციით, დაურ კოვე ნიკარაგუის საგარეო საქმეთა მინისტრს დენის მონკადას შეხვდა. შეხვედრას ასევე ესწრებოდნენ ნიკარაგუას პრეზიდენტის თანაშემწე ლაურეანო ორტეგა და მანაგუას მერი რეინა რუედა.

ოკუპირებული აფხაზეთის „დელეგაცია“, დაურ კოვეს ხელმძღვანელობით, ნიკარაგუაში არჩევნების დამკვირვებლის სტატუსით მონაწილეობის მისაღებად ჩავიდა.

შეგახსენებთ, ნიკარაგუაში საპრეზიდენტო არჩევნები გუშინ გაიმართა, რომლის შემდეგაც ქვეყნის პრეზიდენტი, ზედიზედ მეოთხედ, დანიელ ორტეგა გახდება. აშშ-სა და ევროკავშირს ორტეგას რეჟიმის წინააღმდეგ სანქციები აქვთ დაწესებული.

აშშ-ის პრეზიდენტმა ჯო ბაიდენმა ნიკარაგუაში ჩატარებული არჩევნები „ფარისევლობად“ შეაფასა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს