ოკუპირებულ აფხაზეთში, ბოლო 24 საათში კორონავირუსის 155 ხალი შემთხვევა გამოვლინდა და დაინფიცირებულთა საერთო რაოდენობა 32 609-მდე გაიზარდა, - ამის შესახებ ე.წ. ოპერატიული შტაბი იუწყება.
ამასთან, ბოლო ორი დღის განმავლობაში კოვიდ 19-ს კიდევ 7 პაციენტის სიცოცხლე ემსხვერპლა და კორონავირუსით დაღუპულთა საერთო რიცხვმა 476-ს მიაღწია.
გუდაუთის საავადმყოფოში ამჟამად 72 კოვიდინფიცირებული მკურნალობს, მათგან 28 პაციენტის მდგომარეობა მძიმეა.
სოხუმის ინფექციურ საავადმყოფოში 42 პაციენტი მკურნალობს, ოჩამჩირეში - 22, გაგრაში - 20, ტყვარჩელში - 10, სოხუმში გახსნილ რუსეთის სამხედრო ჰოსპიტალში კი - 114.