პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის შეფასებით, ოპოზიცია მიხეილ სააკაშვილის პატიმრობის საკითხით ხელის მოთბობას და ემოციური მუხტის აწევით საწადლის მიღწევას ცდილობს.
სარჯველაძე იმასაც ამბობს, რომ ოპოზიცია სპეკულაციებისა და სიმულაციების გზით რეალობისგან განსხვავებულ სურათს ქმნის.
„საკითხს ოპოზიციის მხრიდან ხელის მოთბობის სურვილი ამძიმებს. აქციების გამართვის უფლება კონსტიტუციით გარანტირებულია. ყველას აქვს გამოხატვის თავისუფლება, იმის მიუხედავად, აქციის მიზეზი მოგვწონს თუ არა, მაგრამ გამოხატვის თავისუფლება იმ ფარგლებს არ უნდა გასცდეს, რაც დემოკრატიულ, ცივილიზებულ სახელმწიფოებში აქვთ განსაზღვრული. მთავარია მან მართლსაწინააღმდეგო ფორმა არ უნდა მიიღოს", - აღნიშნა მიხეილ სარჯველაძემ ჟურნალისტებთან საუბრისას.
