“ნაციონალურ მოძრაობას” ვურჩევდი, გუდიაშვილის მიმართულებითაც ჩაისეირნონ - ისეთი ლამაზია საღამოს და დაათვალიერონ, - ამის შესახებ უმრავლესობის დეპუტატმა ირაკლი ზარქუამ ოპოზიციის საპროტესტო აქციებზე დასმული კითხვის პასუხად განაცხადა.
ირაკლი ზარქუას თქმით, გუშინდელ აქციაზე “ნაციონალური მოძრაობის” მხარდამჭერებიც არ გამოცხადნენ და ამის შედეგი იყო ის, რომ ნიკა მელია მომხრეებს ძველ თბილისში ასეირნებდა.
"ეს არის შედეგი, როცა არასწორი ხარ, არასწორ განცხადებებს აკეთებ და უსამართლო პროტესტის ინიციატორი ხარ. მელიას მომავალი ის არის, რომ პარტიიდან გარიცხავენ, 3%-იან “ლელოს” შეეკედლება და მისი ლიდერი გახდება", - განაცხადა ზარქუამ.
