როდესაც ხელისუფლება ე.წ. მტერს ძალადობას უპირისპირებს და ცდილობს მასზე ამ ფორმით გაიმარჯვოს, ამით მხოლოდ საკუთარ ხალხსა და სახელმწიფოს ამარცხებს, - აღნიშნული შეფასება ჟურნალისტებთან პარტია "საქართველოსთვის" წევრმა, დეპუტატმა ბექა ლილუაშვილმა გააკეთა.
ლილუაშვილის თქმით, რა პოლიტიკურ პროცესებსაც ახლა ქვეყანაში ვაკვირდებით, პირდაპირი გაგებით - ეს არის ქაოსი.
“არაერთხელ გვითქვამს, რომ მოქმედი ხელისუფლება ყველაფერს აკეთებს იმისთვის, რომ ის ძალადობრივი მეთოდები დაამკვიდროს და აღადგინოს, რაც წინა ხელისუფლებას ახასიათებდა. არსებული პოლიტიკური ვითარება ქვეყანას ისეთ პროცესებამდე მიიყვანს, რომელიც ევროატლანტიკური ინტეგრაციის გზას გამოუსწორებელ ზიანს მიაყენებს. ეს დღითი დღე უფრო ცხადი ხდება. "ქართული ოცნება" ყველაფერს აკეთებს საზოგადოებაში პოლარიზაციის გაზრდის მიზნით, რაც საბოლოო ჯამში, ქვეყანას აზიანებს", - განაცხადა ბექა ლილუაშვილმა.