„ევროპული საქართველოს“ წევრის გიორგი ნონიაშვილის შეფასებით, უკრაინის სახალხო დამცველის ლუდმილა დენისოვას მიხეილ სააკაშვილთან არ შეშვება, მიანიშნებს, რომ საქართველო ყოველდღიურად შორდება დასავლეთს.
ამასთან, ნონიაშვილის განცხადებით, ქვეყანას ჩრდილოეთისკენ აქვს გეზი აღებული. „დღეს, ჩემი აზრით, იუსტიციის მინისტრი ნიშნის მოგებით და უტიფრად საუბრობდა, რომ თურმე მათ უკრაინის ომბუდსმენის არ შეშვების უფლება აქვთ. იგივე გააკეთეს ანა ფოტიგასთან დაკავშირებით. ეს არასერიოზული და უპასუხისმგებლო პოზიციაა. მაგ ლოგიკით „ქართულ ოცნებას“ შეუძლია ძალაუფლება იმისთვისაც გამოიყენოს, რომ სრულ საერთაშორისო იზოლაციაში მოიქციოს თავი, ფაქტობრივად რასაც ყოველდღიურად ჩადიან. ამ მოქმედებითაც, როცა არ შეუშვეს უკრაინის ომბუდსმენი, ყოველდღიურად შორდება დასავლეთს, ჩვენს მეგობრებს. ეს ქვეყანა ძალაუფლებას იყენებს ბოროტად და არასწორი გეზით, რომელიც ჩრდილოეთისკენ მიდის, ასე იქცევიან "პუტინის ბანაკის" წევრები“, - განაცხადა ნონიაშვილმა.
ცნობისთვის, უკრაინის სახალხო დამცველს, ლუდმილა დენისოვას მიხეილ სააკაშვილის მონახულებაზე უარი უთხრეს.