ნიუ-დელიში ჰაერის დაბინძურების დონის გაუარესების გამო სკოლები დაკეტეს, შეჩერდა სამშენებლო სამუშაოები

ინდოეთის დედაქალაქ დელიში ხელისუფლებამ ჰაერის დაბინძურების დონის გაუარესების ფონზე ყველა სკოლა და კოლეჯი განუსაზღვრელი ვადით დახურა. ინფორმაციას BBC ავრცელებს.

გამოცემის ცნობით, 21 ნოემბრამდე აიკრძალა სამშენებლო სამუშაოები , გამონაკლისი დაუშვეს მხოლოდ ტრანსპორტთან და თავდაცვასთან დაკავშირებული პროექტებისთვის. გარდა ამისა, ნახშირზე მომუშავე 11 ელექტროსადგურიდან ოპერირების უფლება მხოლოდ ხუთს მიეცა.

ხელისუფლების გადაწყვეტილებით კერძო სექტორებს დისტანციური მუშაობის წახალისება დაევალათ.

ჯანდაცვის მსოფლიო ორგანიზაციის უსაფრთხოების ინსტრუქციის მიხედვით, ჰაერში იმ ნაწილაკების რაოდენობა , რომელთა დიამეტრი 2,5 მიკრომეტრზე ნაკლებია, გაიზარდა. ჰაერის დაბინძურების ხარისხის ინდექსმა ქალაქის ზოგიერთ ნაწილში კი 400-სს მიაღწია, მაშინ, როდესაც მაქსიმალურ მაჩვენებელს 500 წარმოადგენს. ნულიდან 50-მდე მაჩვენებელი ,,კარგი“, ხოლო 51-დან 100-მდე „დამაკმაყოფილებელი“ შედეგის განმსაზღვრელია.

დაბინძურების პრობლემა ინდოეთში იმდენად გამწვავდა, რომ ინდოეთის უზენაესმა სასამართლომ მკაცრი გაფრთხილება გაავრცელა და შტატისა და ფედერალურ მთავრობებს დაავალა, მიეღოთ „დაუყოვნებელი და გადაუდებელი“ ზომები პრობლემის მოსაგვარებლად.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა