პარლამენტის პლენარული სხდომა, 19 ნოემბერს, საგარეო საქმეთა მინისტრის დავით ზალკალიანის მოსმენით განახლდება.
ზალკალიანი პარლამენტში “მინისტრის საათის“ ფორმატში მივა, სადაც უწყების მიერ გაწეული საქმიანობის ანგარიშს წარადგენს და დეპუტატების კითხვებს უპასუხებს. იქნება პარლამენტის წევრების სიტყვით გამოსვლები.
18 ნოემბერს, “მინისტრის საათის“ ფორმატში, პარლამენტმა შერიგებისა და სამოქალაქო თანასწორობის საკითხებში სახელმწიფო მინისტრს თეა ახვლედიანს მოუსმინა.