ოკუპირებულ აფხაზეთში გასული დღე-ღამის განმავლობაში კორონავირუსის 110 ახალი შემთხვევა გამოვლინდა, ამავე პერიოდში 335 ადამიანის ტესტირება ჩატარდა. ამის შესახებ ე.წ. ოპერაციული შტაბი იუწყება.
ბოლო 24 საათში ვირუსს კიდევ ორი ადამიანი ემსხვერპლა. მძიმე მდგომარეობაშია 26 პაციენტი, 34-ის მდგომარეობა კი საშუალო სიმძიმისაა.
დღეის მდგომარეობით, ოკუპირებულ აფხაზეთში კორონავირუსით დაავადებულთა საერთო რაოდენობა 33 929 ადამიანს შეადგენს. ოფიციალური ინფორმაციით, გარდაცვლილია 502 ადამიანი, გამოჯანმრთელდა 27 870 პაციენტი.